नेपाली फिल्मको मूल चरित्र भनेको बजार निर्देशित हुनु हो। नेपाली फिल्म उद्योग सँधै सुरक्षित बाटो हिँडन रूचाउँछ। एउटा शैलीको फिल्म चल्यो भने लगभग पूरै उद्योग बजारले अस्वीकृत नगरेसम्म त्यसको दोहनमा लागि रहन्छ। 'लुट' फिल्म यता भने विभिन्न खाले कथा भन्ने शैलीमा थोरै भएपनि आफूलाई परिक्षण गर्न लागेको छ। तर यो प्रयास नगन्य मात्रामा हुँदै आएका छन्।
'शुक्रबार' रिलिज भएको साम्तेन भूटिया निर्देशत 'तान्द्रो' पनि त्यस्तै फिल्म हो। फिल्मले माओवादी कार्यकर्ताको कथा भन्छ। माओवादी कार्यकर्ता गंगा बाहादुर लामाले पार्टीको कामका सिलसिलामा रहँदा २०६० सालमा लमजुङ तात्कालिन शाही सेनाको आक्रमणमा पर्दा गोली लागि घाइते बन्छण्। आक्रमणका कारन साथीहरूको भागाभाग भएपछि ९६ घण्टासँग गंगाबहादुरले बिताएको कठिन समयको कथा फिल्ममा छ। फिल्म मूख्यत: उनी लिखित 'स्मृतिका डोबहरू' किताबमा आधारित छ।
फिल्मले माओवादी कार्यकर्ताको कथा भने पनि ओवादी युद्धको गरिमा गान भन्दा पनि सो अप्ठ्यारो परिस्थितमा परेको एक व्यक्तिको कथा भन्छ। सो समयमा ऊ भित्र चलेको दन्वदर विकास भएको मनोविज्ञानलाई फिल्मले आफ्नो खुराक बनाएको छ।
फिल्ममा उनको भूमिका कमरेड कोशिश बनेर दयाहाङ राईले निर्बाह गरेका छ। चलिआएका फर्मूला शेली भन्उस अलगथलग फिल्मले करिब एक सय १० मिनेटसँग दर्शकहरूलाई कोशिसको जीवन संघर्ष देखाउँछ। फरक शैलीको फिल्मले दर्शकहरूलाई बेग्लै स्वाद प्रदान गर्छ।
दयाहाङले गंगा बहादुर लामाको चरित्रमाथी न्याय गरेको छ भने बुद्धि तामाङको काम पनि फिल्ममा राम्रो छ। त्यस्तै उन्य कलाकारहरूले पनि आफ्नो चिरत्रमाथी न्याय गरेका छन्। विशेष गरी बालकलाकारको अभिनयले दर्शकको मन जित्छ भने स्थानिय वृद्धको माओवादीप्रति 'होस्टाइल' व्यवहार आदि कुराले फिल्ममा आकर्षण थपेको छ।
अभिनयपछी फिल्मको क्यामराको काम पनि राम्रो छ। पुरूषोत्तम प्रधान यसका लागि प्रशंसाका हकदार छण्। उनले क्याम्राबाट मुख्य पात्र र उसका घटनाको मनोविज्ञानलाई पस्किएको छ। साम्तेनले पुरूषोत्तमलाई अलि भिनन एब्स्ट्रायक शैलीमा क्यामरा चलाउन लगाएका छन्। व्कग्राउण्ड स्कोरले पनि फिल्मलाई माथी उठाउने काम गरेको छ।
यध्यपी फिल्ममा केहि कमीकजोरी पनि छन्। यसमा भने साम्तेन आफैले लेखेको पटकथा अलि 'इन्टेन्स' लाग्दैन्। उनले पात्रको मनोविज्ञानलाई अझ गहिरोगरी पेस गर्ने ठाऊ फिल्ममा छ। त्यसमा साम्तेन चुकेका छन्। उनको यो चुकाइले दर्शकको नाडीलाई जसरी समात्नुपर्ने हो त्यसरी समात्न सकेको छैन्। उनको निर्देशन फिल्मको कथा अनुसार मध्यम छ। कथा भन्नमा उनले गरेको प्रयास भने फिल्म, हेरिरहँदा झल्कन्छ।
मौलिक कथामाथी बनेको फिल्मले नयाँ कथा र शैलीको सिनेमा खोज्ने दर्शकहरूलाई धेरै हदसम्म आकृष्ट गर्छ। यध्यपी मसला फिल्मका सौखिन दर्शकका लागि यो फिल्म होइन। फरक कथाका फिल्म हेर्ने बानी दर्शकमा पनि विकसित हुनु जरूरी छ। यसका लागि 'तान्द्रो' हेर्नुपर्ने फिल्म हो। 'तान्द्रो' यस वर्ष रिलिज भएका फिल्म मध्ये केहि पृथक फिल्म हो।
त्यस्तै दयाहाङका फिल्म उस्तै भन्ने खालका दर्शकका लागि केहि हदसम्म यस सिनेमाले जवाफ दिन्छ। एउटै खाले फिल्म हेरेर वाक्क भएका दर्शकका लागि यो साता रिलिज भएका चार सिनेमा 'तान्द्रो' एउटा राम्रो विकल्प हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
