काठमाडौं- चुनावको सरगर्मी चलिरहेको बेला अचानक एक टिभी च्यानलका नाममा सरकार र सत्तापक्षबीच विवाद उठेको छ।
यो विवाद अब निर्वाचन आयोगसमक्ष पनि पुगेको छ। उक्त टिभि च्यानल ‘नमो टीभि’ हो। भारतीय प्रधानमन्त्री नरेन्द्र मोदीको छोटकरी नाम ‘नमो’ राखिएको र सो टिभी चुनाव प्रचारका लागि मात्र चुनावको मुखैमा घोषणा गरेको भन्दै कांग्रेसले विरोध जनाएको हो।
उक्त टिभीले २४ घन्टा मोदीको कार्यक्रम, उनको र्याली, सरकारी योजना र चुनाव प्रचारको प्रसारण गर्ने योजना रहेको छ।अज्ञात स्रोतबाट उक्त टिभी च्यानल सञ्चालन हुने भनिएको छ।
यसरी अज्ञात स्रोतबाट सञ्चालन हुने टिभीप्रति कांग्रेस र आम आदमी पार्टीले विरोध गरेका छन्।
उनीहरु त्यसविरुद्ध उजुरी लिएर निर्वाचन आयोगसमक्ष पुगेका हुन्।
विपक्षीहरुले यसरी चुनाव प्रचारका लक्षित डिटीएच प्लेटफर्म प्रयोग गर्नु निर्वाचन आचारसंहिता विपरीत भएको भन्दै आलोचना गर्दै आएका छन्।
यस विवादमा टाटा स्काइको भनाइ समेत सार्वजनिक भएको छ। टाटा स्काईका सिइओ हरित नागपालले नमो टिभि हिन्दू न्युज सर्भिस नभएको बताए।
इन्टरनेटमा आधारित सर्भिस प्रोभाइडर मात्र भएकाले विवाद गर्न जरुरी नभएको उनको दाबी छ।
उनले यसका लागि अनुमतिपत्र लिनुपर्ने पनि उनले बताए।
तर नमो टिभीले सूचना मन्त्रालयबाट कुनै पनि अनुमति लिएको छैन। मन्त्रालयले वितरण गरेका करिब ९०० अनुमति पत्रमा यो नामको कुनै पनि नभएको मन्त्रालयको वेवसाइटमा उल्लेख छ।
२०१२ मा पनि यस्तै टिभी ल्याउने प्रयास भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1750327258.png)
-1749826086.png)
