काठमाडौं- त्रिभुवन अन्तराष्ट्रिय विमानस्थलमा बिहिबार गैह्रआवासीय नेपाली संघ (एनआरएन) डेस्क स्थापना भएको छ।
संसारभर रहेका गैह्रआवासीय नेपालीको सहजीकरणका लागि विमानस्थलमा एनआरएनले डेस्क स्थापना गरेको जानकारी दिएको छ।
'गत जनवरी महिनामा बेलायतको अध्यागमन प्रणालीको अध्ययन भ्रमणमा पुगेका अध्यागमन विभागका प्रमुख इश्वरराज पौडेललगायतका अधिकृतसँग विमानस्थलमा एनआरएन डेस्क स्थापनाका विषमया छलफल भएको थियो। सो छलफलले मूर्तरुप लिएकाले डेस्क स्थापना भएको हो,' अन्तराष्ट्रिय समन्वय परिषद् (आइसीसी) उपाध्यक्ष कुल आचार्यले भने।
विमानस्थलमा एनआरएन डेस्क सञ्चालनका लागि यएनआरएन यूकेका अध्यक्ष योगकुमार फगामी, महासचिव आरके त्रिपाठी लगाएतका व्यक्तिहरुले अध्यागमन विभागका प्रमुखलाई लन्डनमा ज्ञापनपत्र बुझाएका थिए।
समितिले गृहमन्त्रालयमा विमानस्थलमा डेस्क स्थापनाका लागि भन्दै पत्राचार समेत गरेको थियो।
विमानस्थलमा स्थापना भएको एनआरएन डेस्कले गैह्रआवासीय नेपालीका सम्पूर्ण समस्या सुनुवाइ गर्ने बताइएको छ।
डेस्क स्थापना भएसँगै अवैध रुपमा विदेश प्रवेशमा कमी आउने तथा मानव तस्करीलगायतका घटनामा कमी आउने विश्वास लिइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
