काठमाडाैं- गत फागुन २१ गते प्रधानमन्त्री केपी ओली शर्मा सवार यति एयरलाइन्सको विमान होल्ड गरिएको विषयमा छानबिन समितिले रिर्पोट बुझाएकाे छ।
विमान होल्ड गरिएकाे विषयमा छानबिन गर्न संस्कृति, पर्यटन तथा नागरिक उड्डयन मन्त्रालयका स–सचिव सुरेश आर्चायको संयोजकत्वमा ५ सदस्यीय समिति बनेको थियो।
छानबिन समितिले बुझाएको प्रतिवेदनमा नेपाल नागरिक उड्डयन प्राधिकरण विमानस्थल कार्यालयका कर्मचारी र एयरलाइन्सका कर्मचारीको लापरबाहीका कारण विमान होल्डमा परेको निष्कर्ष निकालको छ। साथै समितिले लापरबाही गर्ने कर्मचारीलाई विभागीय कारबाहीको लागि प्राधिकरणलाई सिफारिस गर्नुपर्ने सुझाएकाे छ।
छानबिन समितिले संस्कृति, पर्यटन तथा नागरिक उड्डयन राज्यमन्त्री धनबहादुर बुढालाई सोमबार बुझाएको रिपोर्टमा विमान होल्ड हुनुमा संवेदनशील सूचना जिम्मेवार निकायले यथासमयमा प्रवाह नगर्नु, जिम्मेवार अधिकारीहरुले कार्यविवरण अनुसारको कार्य नगरेको उल्लेख छ।
साथै समितिले यती एयरलाइन्सलगायत सबै वायुसेवा कम्पनीले आ–आफ्नो 'फ्लाइट प्रोग्राम' र 'फ्लाइट प्लान'मा भिभिआइपीले उडान गर्ने भए अनिवार्यरुपमा जानकारी दिन समेत सुझाएको छ।
यसैगरी, समितिले चन्द्रगढी विानस्थलका टावर कन्ट्रोलर र चन्द्रगढी विमानस्थलका नेपाल नागरिक उड्डयन कार्यालयका प्रमुखलाई विभागीय कारबाही गर्न प्राधिकरणलाई लेखी पठाउने रिर्पोटमा उल्लेख छ।
यती एयरलाइन्सका ग्राउन्ड ह्यान्डलिङ म्यानेजर र फ्लाइट डिपार्चरलाई ड्युटिमा लापरबाही गरेका कारण विभागीय कारबाही गर्न यती एयरलाइन्सलाई निर्देशन दिनुपर्नेसमेत रिर्पोटमा जनाइएकाे छ।
त्रिभुवन अन्तर्राष्ट्रिय विमानस्थलको 'एप्रोच कन्ट्रोल'मा भिभिआइपी सवार उडान 'ह्यान्डिल' गर्ने ड्युटी कन्ट्रोलर, सुपरभाइजर र कोअर्डिनेटरलाई सचेत गराई अन्तर्राष्ट्रिय नागरिक उड्डयन सङ्गठन (आइकाओ)को 'एनेक्स १ पर्सनल लिसिनिङ'मा भएको व्यवस्थाअनुसार स्वास्थ्य परीक्षण गराई श्रवण क्षमता एकिन गरेर मात्र काममा फर्काउन प्राधिकरणलाई पत्र लेखी पठाउने समेत रिर्पाेटमा छ।
र याे पनि:
प्रधानमन्त्री चढेको जहाज आकाशमा होल्ड हुँदा छानबिन समिति गठन
यस्तो छ प्रधानमन्त्री ओली सवार जहाज होल्ड हुनुको कारण
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
