लन्डन– इंग्लिस प्रिमियर लिगअन्तर्गत गएराति भएका खेलहरुमा लिभरपुल र इभर्टन विजयी भएका छन्।
गएराति भएको खेलमा लिभरपुलले फुलहामलाई २–१ गोलअन्तरले पराजित गरेको हो। लिभरपुलको लागि साडियो माने र मिल्नरले गोल गरेका हुन्। खेल सकिन ९ मिनेट बाँकि रहेको अवस्थामा मिल्नरले प्राप्त पेनाल्टीको सदुपयोग गर्दै निर्णायक गोल गरेका हुन्।
फुलहामका लागि ७४ मिनेटमा रायन बाबेलले गोल गरेका थिए। फुलहाम लिभरपुलका अघि खेल अवधिभर नै निरिह देखिएको थियो। तर, लिभरपुलले १६ पटक फुलहामको पोष्टमा प्रहार गरेपनि २ वटाले मात्र जाली चुमेका थिए। खेलअवधिभर ६३ प्रतिशत बल लिभरपुलको पक्षमा थियो।
जितसँगै लिभरपुल अंक तालिकाको शिर्ष स्थानमा उक्लिएको छ। ७६ अंक रहको लिभरपुलको म्यान्चेस्टर सिटीभन्दा २ अंक बढी छ।
त्यस्तै गएराति नै भएको अर्को खेलमा इभर्टनसँग चेल्सी स्तब्ध भएको छ। पहिलो हाफ बराबरीमा सकिएको खेलमा इभर्टनले दोस्रो हाफको चौथो मिनेटमै अग्रता लिएको थियो। रिचारलिसनले इभर्टनलाई अग्रता दिलाएका हुन्।
७१ मिनेटमा गिल्फी सिगुर्डसनले गोल गरेपछि इर्भटनले २–० को स्पष्ट जित निकालेको हो।
५७ अंक रहेको चेल्सी छैठौं स्थानमा रहँदा ४० अंक मात्र जोडेको इभर्टन ११औं स्थानमा छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
