काठमाडौं– नवौं सितोरियो कराते विश्व च्याम्पियनसिपमा नेपालको पदक पक्का भएको छ।
नेपालका दिगम्बरप्रसाद पन्त ८४ केजीमाथि तौल समूहको फाइनलमा पुग्दै पक्का गरेका छन्। उनले क्वार्टरफाइनलमा भेनेजुएलाका खेलाडीमाथि ८–० को जित निकालेर सेमिफाइनलमा पुगेका थिए। सेमिफाइनलमा उनले मेक्सिकोमाथि १–० को जित निकालेर फाइनलमा स्थान पक्का मात्र गरेनन् पदक पनि पक्का गरे। अब उनले आइतबार स्वर्ण पदकका लागि काजकिस्तानका खेलाडीसँग भिड्नेछन्।
यस्तै ६० केजी मुनि तौल समूहमा विजय श्रेष्ठ पदक नजिक पुगेका छन्। उनले प्रिक्वार्टरफाइनलमा चीनका खेलाडीमाथि ४–२ को जित निकालेका थिए। यस्तै क्वार्टफाइनलमा हङकङका खेलाडीसँग २–२ को अंक बराबरी भए पनि विजयले सेन्सु विजेता बनेर सेमिफाइनलमा स्थान पक्का गरे। सेमिफाइनलमा भने उनी काजकिस्तानका खेलाडीसँग ४–० ले पराजित भए। अब उनले तेस्रो स्थानका लागि आइभरी कोस्टका खेलाडीसँग आइतबार प्रतिस्पर्धा गर्नेछन्। जित हात पारे उनले कास्य पदक जित्नेछन्।
यता व्यक्तिगत कातामा नेपालका परशुराम बास्तोलाले प्रिक्वार्टरफाइनलमा अमेरिकाका खेलाडीसँग ५–० को जित हात पारे। क्वार्टरफाइनलमा भने उनी मेक्सिकोका खेलाडीसँग ४–१ ले पराजित भयो। यस्तै गणेश बाहदुर थिङले पहिलो खेलमा अमेरिकासँग ५–० को जित निकाले पनि दोस्रो खेलमा जापानसँग ५–० ले नै पराजित भए। थिङले रिपाचेमा खेल्ने मौका पाएका थिए। उनले पहिलो खेलमा लाओसलाई ५–० ले हराए पनि दोस्रो खेलमा मेक्सिकोसँग ४–१ को हार बेहोरे।
६७ केजी तौलमा नेपालका अनिस लामालाई चीनका खेलाडीद्ये ५–३ ले हराएका छन्।
नेपाली टिमको प्रशिक्षकमा सागका स्वर्ण विजेता कुशल श्रेष्ठ छन् भने सितोरियो कराते संघका अध्यक्ष दावा गुरुङ हेड अफ डेलिग्रेड्सको रुपमा छन्। जापानमा भइरहेको प्रतियोगितामा सहभागी नेपाली खेलाडीलाई एनआरएनए ग्लोबल र जापान च्याप्टरले सहयोग गरेका छन्। प्रतियोगितामा ३९ देशका करिब १२ हजार खेलाडीले भाग लिएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
