काठमाडौं (एजेन्सी)– विश्व चर्चित अटोमोबाइल्स कम्पनी यामाहाले टोकियोमा आयोजित ४५ औं मोटर सोमा ३ पाग्रा भएको सुपरबाइक सार्वजनिक गरेको छ। मोटरसाइकलको नाम यामाहा निकेन राखिएको छ।
यो बाइक एमटी–०९ मा आधारित छ। यद्यपि मोटर सोमा यामाहा निकेनको विषयमा धेरै जानकारी उपलब्ध गराइएको छैन तर ६ नोभेम्बरमा इटलीको मिलानमा आयोजना हुने ‘इआइसिएमए सो’ मा बाइकको विषयमा धेरै जानकारी बाहिर आउने अपेक्षा गरिएको छ।
यसअघि टोक्यो सोमा यामाहाले एमडब्लुटि–९ कन्सेप्ट प्रस्तुत गरेको थियो। जसको फ्रन्ट–एंड यो बाइकसँग मिल्दोजुल्दो छ। तर, बाँकीको भाग नाटकीय रुपमा फेरबदल भएको बताइन्छ।
निकेनको सम्बन्धमा सबैभन्दा बढी चर्चा यसको एग्रेसिभ र आकर्षक फ्रन्ट एंड नै हो। यसको सस्पेन्सन एडजस्टेबल मानिएको छ। फ्रन्ट एंडबाहेक फिचरको पनि चर्चा भएको थियो। यसमा तीनवटा पेट्रोल इन्जिन, तीनवटा पाग्रा र तीन सिलिन्डर छ।
यसको टेक्नोलोजी एलएमडब्ल्यु (लिनिङ्ग मल्टी व्हिल टेक्नोलोजी) हो, जसको कारण बाइकको ग्रिप पनि उत्कृष्ट मानिएको छ। तीब्र गतिमा पनि बाइकलाई मोडन सहज हुने र ब्यालेन्स नबिग्रिने बताइएको छ।
बाइकको फ्रन्टमा २ वटा व्हिल र एउटा रियल व्हिल छ। फ्रन्टनको २ वटा पाग्रा १५ इन्चीको छ। तीन पाग्रा भएको बाइकको कन्सेप्ट यो नै पहिलो होइन्। तर, निकेनको लिन फङ्सनले यसलाई खास बनाएको छ।
यामाहा निकेनमा लिक्विड–कुल्ड, फ्युल–इन्जेक्टेड, फोर–स्ट्रोक्स, डिओएचसी, फोर–भल्भ, इन–लाइन ट्रिपल इन्जिन छ। तीन सिलिन्डर भएको इन्जिनको पावर ८ सय ४७ सिसी छ, जुन यामाहा एमटी–०९ बाट लिइएको हो।
यामाहाका अनुसार यो निकै डिस्प्लेसमेन्ट भएको मल्टी–व्हिलर बाइक हो। जसमा लिक्विड–कुल्ड इन्जिन प्रयोग गरिएको छ। कम्पनीले बाइकको डाइमेन्सनको विषयमा जानकारी दिँदै भनेको छ, यसको लम्बाई २१५० एमएम छ। चौडाइ ८८५ एमएम र उचाई १२५० एमएम छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
