गब्बर सिंहको भूमिकाका लागि पहिलो रोजाइ थिए डेनी

इन्टरटेनमेन्ट लाइभ

नेपाल लाइभ शुक्रबार, फागुन १७, २०७५ ०७:०१

एजेन्सी– हिन्दी फिल्मको इतिहासमा सबैभन्दा बढी सफल फिल्मको नाम लिनु पर्दा ‘शोले’ को नाम पहिला आउँछ। रमेश सिप्पीले निर्देशन गरेको यो फिल्ममा अमिताभ बच्चन, धर्मेन्द्र, हेमा मालिनी, जया बच्चन, सञ्जीव कुमार र अमजद खान जस्ता कलाकारले मुख्य भूमिका निभाएका थिए।

जय, बिरु, बसन्ती, ठाकुर, साम्भा, सुरमा भोपाली, कालिया जस्ता फिल्मका पात्र उतिबेला बहुचर्चित भएका थिए। शोलेका जुन पात्र अत्यधिक चर्चामा रहे, जसलाई आजसम्म पनि स्मरण गरिन्छ, त्यो पात्र थियो गब्बर सिंह।

गब्बर सिंहलाई हिन्दी फिल्मको अहिलेसम्मकै ठूलो खलनायकमध्ये एक मानिन्छ। अमजद खानले यो भूमिका निर्भाह गरेका थिए।

तर, कतिपयलाई अहिलेसम्म पनि थाहा छैन, अमजद खान गब्बर सिंहको भूमिकाका लागि पहिलो रोजाइ थिएनन्, पहिलो रोजाइ त डेनी थिए।

फिल्म बनाउने घोषणा भएपछि अन्य सबै कलाकारको साथमा डेनी पनि देखिएका थिए। तर, पछि उनले फिल्मबाट पछि हट्नु पर्‍यो।

डेनी त्यतिबेला फिरोज खानको फिल्म ‘धर्मात्मा’ मा पनि काम गरिरहेका थिए। जुन समय शोलेका लागि दिनुपर्ने थियो, त्यही समय धर्मात्मालाई पनि चाहिने भयो। तर, धर्मात्मा पहिले नै साइन गरिसकेको हुनाले डेनी शोलेबाट अलग्गिएका थिए।

डेनी अलग भएपछि फिल्ममा अमजद खानलाई लिइयो। अमजदले गब्बर सिंहको भूमिका अत्यन्तै सफलतापूर्वक निभाए र उनी बलिउडमा स्थापित भए। यो फिल्मले बक्स अफिसमा नयाँ कीर्तिमान नै बनायो।

पछि डेनीलाई सोधिएको थियो– शोले छोडेकोमा कुनै पछुतो छ? डेनीको जवाफ थियो– त्यो बेलामा मैले लिएको निर्णय एकदम सही थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

उमागौरी सहकारीको मुद्दामा सक्कल मिसिल झिकाउने आदेश

तीनकुनेको आपराधिक घटनामा संलग्नलाई थप ७ दिन हिरासतमा राख्न अनुमति

नेपालको आर्थिक समृद्धिको आधार बन्न सक्छ ‘धार्मिक पर्यटन’