११ श्रमिक बालबालिकाको उद्धार

ब्लग

नेपाल लाइभ शनिबार, कात्तिक ११, २०७४ १२:२५

दाङ – दाङको घोराहीबाट ११ जना श्रमिक बालबालिकाको उद्धार गरी परिवारमा पुनःस्थापना गरिएको छ।

घोराही उपमहानगरपालिका, युनिसेफको सहयोग र हिमालय शान्ति तथा विकास अभियानले घोराहीका विभिन्न पसलमा काम गर्दै आएका बालबालिकालाई उद्धार गरी परिवारमा पुनःस्थापना गरेको हो।

उद्धार गरी परिवारमा पुनःस्थापना गरिएका बालबालिकामा घोराही– ४ का विशाल परियार, प्रमोद सुनार, घोराही १८ का दीपक डाँगी, युवराज डाँगी, घोराही १२ का मञ्जु केसी, यमुना नेपाली, सदर नेपाली र सन्तोष रावत रहेका छन्।

त्यसैगरी, घोराही– ७ का कमला चौधरी, घोराही– ५ का सुरेश परियार र घोराही १० का निशान्त चौधरीलाई श्रमबाट उद्धार गरी परिवारमा पुनःस्थापना गरिएको हो।

ती बालबालिकालाई शौक्षिक सामग्रीसहित परिवारलाई आयआर्जनका लागि रु १६ हजार पाँच सय समेत सहयोग गरिएको छ।

बालबालिकालाई पढाउने र सहयोग रकमले आर्थिक उर्पाजन गर्ने सहमतिमा उनीहरुलाई सहयोग गरिएको अभियानका अध्यक्ष विकिरण गौतमले जानकारी दिए।

कार्यक्रममा घोराही उपमहानगरपालिकाका उपप्रमुख सीता न्यौपानेले शैक्षिक सामग्री, नगद सहित बालबालिकाहरुलाई परिवार र सम्बन्धित वडा अध्यक्षहरुको जिम्मा लगाएका छन्। रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

गर्भावस्थामा भिडियो एक्स-रे कहिले र किन ?

नेपाली र दक्षिण कोरियाली कविता वाचन

‘कोशी प्रदेश ऐनलाई संशोधन गर्न बनेको अध्यादेश, २०८१’ सदनमा पेस