लन्डन- म्यानचेस्टर सिटीले सिजनको पहिलो उपाधि जितेको छ। सिटीले आइतबार राति भएको इंग्लिस इएफएल कपको उपाधि जितेर सिजनको पहिलो ट्रफी भित्र्याएको हो।
पहिलो उपाधि जित्ने क्रममा सिटीले चेल्सीलाई आफ्नो सिकार बनायो। निर्धारित समय र थप गरिएको समयको खेल गोलरहित बराबरीमा सकिएको थियो। त्यसपछि पेनाल्टी सुटआउटमा सिटीले चेल्सीलाई ४-३ गोलले पराजित गरेर उपाधि कब्जा गर्यो।
खेलमा सिटीका रहिम स्टर्लिङले विजयी पेनाल्टी हिर्काएका थिए। यस्तै इकाली गुन्डोगन, सर्जियो अग्युरो र बेर्नान्डो सिल्भाले पनि पेनाल्टीमा गोल गरे। तर लिरोए सानेको प्रहारलाई भने चेल्सीका गोलकिपर एरिजाबालागाले विफल पारे।
यस्तै चल्सीका जोर्गिन्होको पेनाल्टीलाई सिटीका गोलकिपर इडर्सनले विफल पारे भने डेभिड लुइसको प्रहार पोस्टमा लाग्यो। चेल्सीका अज्प्लिक्युटा र इमेर्सन र हजार्डको प्रहारले गोल पोस्टको दिशा लिएको थियो।
खेलमा चेल्सीका गोलकिपर एरिजाबालागाले सब्सिच्युटका लागि अस्विकार गरेका थिए। प्रशिक्षक सारीले उनको स्थानका विलि कारारेलोलाई पठाउन चाहेका थिए। जसले ३ वर्षअघि कपको फाइनलमा लिभरपुलविरुद्ध ३ पेनाल्टी रोकेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
