काठमाडौं– सरकारले विदेशी लगानी आकर्षित गर्न भन्दै लगानी सम्मेलनको तयारी गरिरहेको छ।
लगानी सम्मेलनको तयारी सँगसँगै उद्योग, वाणिज्य तथा आपूर्ति मन्त्रालयले विदेशी लगानी तथा प्रविधि हस्तान्तरण ऐन २०७५ निमार्णको प्रक्रिया पनि अगाडि बढाएको छ।
मन्त्रालयले ऐन निर्माणका लागि तयार गरेको विधेयक संघीय संसदको प्रतिनिधि सभामा दर्तासमेत गरिसकेको छ। संसदमा दर्ता भएको विधेयकमा आमसञ्चारका माध्यमहरू पत्रपत्रिका, रेडियो, टेलिभिजन र अनलाइनमा अझै विदेशी लगानी प्रतिबन्ध लगाउने गरी विधेयक तय गरेको छ।
विधेयकमा राष्ट्र भाषाको चलचित्रमा पनि विदेशी लगानी प्रतिबन्ध राख्ने व्यवस्था गरेको छ। यसैगरी कुखुरपालन, व्यक्तिगत सेवा व्यवसाय(कपाल काटने, सिलाई, ड्राइभिङ) लगायतको क्षेत्रमा पनि विदेशी लगानी प्रतिबन्ध गर्ने व्यवस्था गरेको छ।
विधेयकमा हातहतियार, खरखजाना, गोलीगठ्ठा, बारुद वा विष्फोटक पदार्थ तथा न्यूक्लियर, बायोलोजिकल तथा केमिकल हतियार उत्पादन गर्ने उद्योग, आणविक शक्ति, विकीरणजन्य सामग्री उत्पादनमासमेत विदेशी लगानी प्रतिबन्ध राख्ने व्यवस्था गरेको छ।
घर जग्गा खरिद बिक्री व्यवसाय (निर्माण उद्योग बाहेक), खुद्रा व्यापार, आन्तरिक कुरियर सेवा, स्थानीय क्याटरिङ सेवा, मनिचेन्जर, रेमिटेन्स सेवामा पनि विदेशी लगानी प्रतिबन्ध गर्ने गरी विधयेक संसदमा दर्ता भएको छ।
यसैगरी, पर्यटनमा संग्लन ट्राभल एजेन्सी, पथ प्रदर्शक, ट्रेकिङ तथा पर्वतारोहण पथ प्रदर्शक, होमस्टे लगायतका ग्रामीण पर्यटन उद्योगमा समेत विदेशी लगानी प्रतिबन्ध रहेको विधेयकमा उल्लेख छ।
साथै नेपाल सरकारले तोकेको भन्दा कम लगानी हुने शैक्षिक परामर्श दिने व्यवसाय एवं संस्था, भाषा तालिम, संगीत तालिम र तोकिएको रकम भन्दा कम विदेशी लगानी हुने कम्युटर तालीम र ५१ प्रतिशतभन्दा बढी विदेशी लगानी हुने व्यवस्थापन, लेखा, इन्जिनियरिङ, कानुनी परामर्श सेवा व्यवसायमा पनि विदेशी लगानी प्रतिबन्ध हुने विधेयकमा व्यवस्था गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789010467.jpg)
-1786602170.png)
