काठमाडौं- आर्थिक संकटका कारण उडान बन्द भएको सौर्य एयरलाइन्स ६२ करोड रुपैयाँमा बिक्री भएको छ।
भारतीय कुबेर ग्रुपअन्तर्गतको क्लब वान कम्पनीलाई एयरलाइन्स बिक्री गरिएको सौर्य एयरलाइन्सको उच्च स्रोतले बतायो।
एयरलाइन्स भारतीय कुबेर ग्रुपले खरिद गरेपनि नेपाली मारवाडी समुदायको समेत सहभागी हुने भएको छ।
भारतीय कुबेर ग्रुपको ४५ प्रतिशत सेयर रहने छ भने नेपाली व्यवसायीको ५५ प्रतिशत सेयर रहने गरी एयरलाइन्स बिक्री भएको छ।
चरम आर्थिक संकटमा परेको सौर्य एयरलाइन्सले विमानस्थल सेवाशूल्क तिर्न नसक्दा गत पुस २० गतेदेखि विमानस्थल कार्यलयले उडान समेत बन्द गरिदिएको थियो। सौर्य एयरलाइन्सले विमानस्थल कार्यालयलाई मात्रै ४ करोड भन्दा बढी रकम तिर्न बाँकी छ।
योसँगै एयरलाइन्सले जनता बैंक तथा विभिन्न वित्तीय संस्थासँग लिएको ऋणको साँवा तथा ब्याज तिर्न सकेको थिएन। गत पुस २७ गते मात्रै जनता बैंकले रकम चुक्ताका लागि ३५ दिने सूचना प्रकाशन गरेको थियो।
एयरलाइन्ससँग दुई वटा जेट इन्जिन विमान रहेका छन्। एउटा विमान भने उडान गर्ने सक्ने अवस्थामा छ भने एउटा मर्मत गर्नपर्ने अवस्थामा ग्राउन्डेड भएको छ।
एयरलाइन्स बन्द भएसँगै त्यहाँ कार्यरत कर्मचारीले समेत श्रम कार्यालय काठमाडौंका सामूहिक उजुरी गरेको छन्।
यसअघि पनि गत साउन २४ गते व्यवसायी श्याम अधिकारी, श्यामकृष्ण महर्जन र रामप्रसाद पन्थीले ६१ करोडमा सो एयरलाइन्स खरिद गरेका थिए।
तर, एयरलाइन्स सञ्चालन गर्न नसकेपछि उनीहरुले खरिद बिक्री सम्झौता रद्द गरेका थिए।
यो पनि पढ्नुहोस्ः
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1771907752.png)
-1764146706.png)
