जनकपुर- नेपाल कम्युनिस्ट पार्टी (नेकपा) का वरिष्ठ नेता माधवकुमार नेपालले जनकपुरस्थित अनाथ बालबालिकालाई कक्षा १२ सम्म पढाइदिने प्रतिबद्धता व्यक्त गरेका छन्।
जनकपुरधामस्थित सदगुरु कबिर अनाथ बालवत्सल्य आश्रममा रहेका बालबालिकाको अवस्थाबारे बुधबार जानकारी लिन पुगेका पूर्वप्रधानमन्त्री नेपालले भने, ‘यहाँ रहेका बालबालिकाको लालनपालनका लागि आफू विभिन्न निकायसँग समन्वय गराइदिनेछु। तर, जहाँसम्म पढाइको कुरा हो कक्षा १२ सम्म त्यसको व्यवस्था म गरिदिन्छु।’
नेता नेपालले समाज कल्याण परिषद्का उपाध्यक्ष निलमणि बराललाई बोलाएर सो अनाथ आश्रमलाई चाहिने जति सेवा परिषद् र विभिन्न संघ/संस्थाबाट उपलब्ध गराइदिन आग्रह गरे।
साथै उनले अनाथ आश्रमबाटै देश तथा विदेशका विभिन्न संघ संस्थालाई सो अनाथ आश्रममा रहेका बालबालिकाको लालनपालनका लागि खर्च जुटाइदिन आग्रह गरेका थिए।
परिषद्का उपाध्यक्ष बरालले एक हप्तापछि यो अनाथ आश्रमको कानुनी कागजात हेरेर परिषद् र विभिन्न संघ/संस्थाबाट हुने सहयोग उपलब्ध गराउने प्रतिबद्धता जनाए।
जनकपुरको ज्ञानकुपमा रहेको याज्ञवल्क्य संस्कृत विद्यापीठको दक्षिण–पश्चिमछेउमा सत्यनारायण आलोकले २०६६ सालदेखि अनाथ आश्रम चलाउँदै आएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791965585.png)
-1791964075.png)
-1787821305.jpg)
-1786602170.png)
