डिपिएल : काठमाडौंको विजयी सुरुवात, घरेलु टिम धनगढी पराजित 

नेपाल लाइभ

Nepal Live

फाइल तस्बिर


काठमाडौं– तेस्रो संस्करणको धनगढी प्रिमियर लिग (डिपिएल) टी–२० क्रिकेट प्रतियोगितामा काठमाडौं गोल्डेन्सले विजयी सुरुवात गरेको छ। काठमाडौंले सोमबार भएको पहिलो खेलमा घरेलु टिम धनगढी स्टार्सलाई ४ विकेटले पराजित गरेको हो।

धनगढीले दिएको १ सय ३३ रनको लक्ष्य काठमाडौंले १ बल बाँकी छदा ६ विकेटको क्षतिमा पार गर्यो।

काठमाडौंलाई अन्तिम ओभरमा ८ रन चाहिएको स्थितिमा पहिलो चार बलमा क्रिजमा रहेका मेहबुब अलाम र बिक्रम भुषालले बाउन्ड्री हान्न सकेनन् भने ४ रन जोडे। पाँचौ बलमा मेहबुले चौका प्रहार गर्दै काठमाडौंलाई जित दिलाए। मेहबुबले १० बलमा नटआउट १२ र बिक्रमले १० बलमा नटआउट १४ रन जोडे।  त्यसअघि ओपनर गौरव तोमाराले २४ र अनिल साहले २४ रन जोडे। अंकित दवासले २९ रनको योगदान दिएका थिए। यद्यपी ज्ञानेन्द्र मल्ल ३ रन, सोनु तामाङ २ रन र योगेन्द्रसिंह कार्की पनि २ रनमा आउट हुँदा काठमाडौंमाथि दबाब थपिएको थियो। 

बलिङमा धनगढीका रोहान मुस्ताफाले ४ विकेट लिएका थिए। अमिर हायत र विपिन खत्रीको नाममा १–१ विकेट रह्यो। 

त्यसअघि धनगढीको फाप्ला मैदानमा टस हारेर पहिले ब्याटिङ गरेको धनगढीले २० ओभरमा ५ विकेटको क्षतिमा १ सय ३२ रन जोड्यो। उसका लागि अमीत श्रेष्ठले ५० रन जोडे। उनले ५० बलमा ४ चौका र २ छक्का हिर्काए। सौरभ खनालले १० बलमा ३ चौका र १ छक्काको मद्दतमा नटआउट २५ रन जोडे। पवन सराफले १९  र सन्दीप रजाइलीद्ये २८ रन बटुले। 

बलिङमा काठमाडौंका नन्दन यादवले २ विकेट लिए। अंकित दवास र ललितनारायण राजवंशीको नाममा १–१ विकेट रह्यो। अंकित खेलको म्यान अफ दि म्याच भए।

प्राप्त प्रतिकृयाहरू

पढ्नै पर्ने