काठमाडौंको शहरी समस्या समाधान गर्न १ सय ४२ प्राविधिक सुझाव छनोट

सूचना-प्रविधि

नेपाल लाइभ शुक्रबार, माघ २५, २०७५ १९:२९

काठमाडौं- ‘स्मार्ट शहरी प्रविधि प्रतिस्पर्धा’का लागि पहिलो चरणमा १ सय ४२ सुझाव छनोटमा परेका छन्। सुझाव राख्नका लागि एक महिनाको समय निर्धारण गरिएकामा ४ सय ५२ सुझाव सङ्कलन भएका थिए। तीमध्येबाट छनोटमा १ सय ४२ वटा सुझाव परेका हुन्।

काठमाडौंको विद्यमान शहरी समस्यालाई प्रविधिमा आधारित नयाँ सोचबाट समाधान खोज्ने क्रममा काठमाडौं महानगरले गत मङ्सिर २६ गतेबाट सुझाव सङ्कलन गर्न सुरु गरेको थियो। मुख्यगरी समुदाय तथा वातावरण, शहरी पूर्वाधार विकास, सामुदायिक सेवा र सार्वजनिक प्रशासन तथा व्यवस्थापन गरी चार क्षेत्रलाई प्रतिस्पर्धाका मुख्य विषय बनाइएको थियो।

विभिन्न चरण गरी आगामी ६ महिनासम्म चल्ने यस प्रतिस्पर्धामा गत पुस ३० गतेसम्म पहिलो चरणको सोच दर्ता गर्ने समय दिइएको कामपाको शहरी योजना आयोगका सदस्य–सचिव सरोज बस्नेतले जानकारी दिए।

प्रतिस्पर्धाबाट आएका सोचबाट काठमाडौंका शहरी समस्या पहिचान हुने र ती समस्याको समाधानमा प्रविधिमैत्री उपाय पत्ता लाग्ने कामपाले जनाएको छ। प्रविधि, ज्ञान र सीपका माध्यमबाट महानगरको समग्र क्षेत्रको परिवर्तनका लागि प्रविधिमैत्री आधार तयार हुनेछ।

उत्कृष्ट सोचको आधारमा विजेतालाई ५ लाख रुपैयाँ पुरस्कार प्रदान गरिनेछ। यो पुरस्कारबाट उत्कृष्ट मानिएको सोचलाई उद्यमशीलतामा रुपान्तरण गर्न सहयोग पुग्ने महानगरको लक्ष्य छ। त्यस्तै प्रतिस्पर्धाका चार विषयगत विजेतालाई प्रतिसमूह २ लाख र उपविजेतालाई १ लाख रुपैयाँ प्रदान गरिनेछ।

सदस्य–सचिव बस्नेतका अनुसार काठमाडौंको समस्या पहिचान गरी निराकरण, नवीन र प्रविधिमैत्री उपायको खोजी गर्न कामपाले ‘स्मार्ट शहरी प्रविधि प्रतिस्पर्धा, २०७५’ सुरु गरेको हो। रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

स्व नरहरि देवकोटा स्मृति समाजसेवा पुरस्कार मानव सेवा आश्रमलाई

सवारी साधनबाट गैरकानूनी कर नउठाउन स्थानीय तहहरुलाई सरकारको निर्देशन

हङकङ सिक्सेस: लगातार दुई खेल हार्दै इंगल्यान्ड बाहिरियो, नेपाल क्वाटरफाइनलमा