काठमाडौं– नेपाल टेलिकमले फोरजी सेवा विस्तारका लागि दुई चिनियाँ कम्पनीसँग सम्झौता गरेको छ। टेलिकमले आइतबार र्यान नेटवर्क विस्तारतर्फ चाइना टेलिकम्युनिकेसन सर्भिस इन्टरनेसनल (सीसीएसआइ) र कोर नेटवर्क विस्तारको जेडटीईसँग सम्झौता गरेको गरेको हो।
देशभरि १ वर्षभित्र फोरजी विस्तार गर्न लक्ष्यसहित टेलिकमले दुई चिनियाँ कम्पनीसँग सम्झौता गरेको टेलिकमका सहप्रवक्ता शोभन अधिकारीले जानकारी दिए।
सम्झौतासँगै टेलिकम फोरजी विस्तारमा टेलिकमले गर्नुपर्ने सबै काम गर्ने गरी सम्झौता भएको उनको भनाइ छ। विस्तारको क्रममा आउने सबै अवरोध टेलिकमले हटाउने गरी सम्झौता भएको छ।
सम्झौतामा जंगल भएको ठाउँमा रिपिटर टावर राख्ने, सार्वजनिक जग्गा, वनको जग्गा लगायतको अनुमतिदेखि टावर निमार्ण गर्ने घरको व्यवस्थापनसमेत टेलिकमले गर्ने गरी सम्झौता भएको उनले जानकारी दिए।
टेलिकमले फोरजी विस्तारका लागि २०७२ कात्तिकमा ग्लोबल टेन्डर गरेको थियो। टेलिकमेले गरेको टेन्डरमा कोर नेटवर्क विस्तार जेडटीईले १ अर्ब ६१ करोड र सिसिएसआईले ३ अर्ब ९८ करोड रुपैयाँमा काम गर्ने प्रस्ताव पेस गरेका थिए।
सोही आधारमा कोर नेटर्वक तर्फ जेडटीई छनोट भएको टेलिकमले जनाएको छ। यसैगरी र्यान नेटवर्क तर्फ सिसिएसआईले १७ अर्ब १४ करोडमा र जेडटीईले १९ अर्बरुपैयाँ काम गर्ने गरी प्रस्ताव पेस गरेका थिए।
सोही आधारमा कम रकममा काम गर्ने गरी कबुल गरेको सिसिएसआईसँग र्यान नर्वततर्फका कामको लागि सम्झौता गरेको उनले जानकारी दिए।
दुई वटा छुट्टाछुट्टै सम्झौता पत्रमा नेपाल टेलिकमको तर्फबाट प्रबन्ध निर्देशक डिल्लीराम अधिकारी र जेडटिई तथा सिसिएसआईका प्रतिनिधिले हस्ताक्षर गरेका हुन्। नेपालभर ६५ लाख क्षमताको फोरजी–एलटिई विस्तारका लागि एउटा कोर नेटवर्क र दुई वटा र्यान नेटवर्क तयार गरिने टेलिकमले जनाएको छ।
र्यान नेटवर्क अन्तर्गत नेटवर्क १ र नेटवर्क २ मार्फत सातै प्रदेशमा सेवा विस्तार गरिने छ। सम्झौता पश्चात् एक वर्ष भित्रमा परियोजना सम्पन्न हुने टेलिकमले जनाएको छ। टेलिकमले पहिलो पटक मिति २०७३ पौष १७ गते काठमाडौं उपत्यका र पोखरामा फोरजी/एलटिई सेवा सञ्चालन गरेको थियो।
देशभर यो सेवा विस्तार भए पश्चात टुजी, थ्रिजी र फोरजी नेटवर्कलाई ओभरले को रुपमा सञ्चालन गरी ग्राहकलाई आ–आफ्नो रुचि र आवश्यकता अनुसारका सेवाहरु छनोट गर्ने अवसर प्राप्त हुने टेलिकमले जनाएको छ। यसबाट मुलुकभर द्रुत गतिको डाटा तथा भ्वाइस र मल्टिमिडिया सेवा विस्तार गर्न सकिने टेलिकले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1771505229.png)
-1764146706.png)
