काठमाडौं – गल्फ देशमा रोजगारी दिलाउने आस्वाशन दिँदै नेपाली चेली बेचबिखन गर्ने ३३ वर्षीय लोप्साङ लामा पक्राउ परेका छन्। भारतीय प्रहरीको‘वान्टेड’ सूचीमा रहेका लामाबारे जानकारी दिए एक लाख रुपैयाँ दिने घोषणा गरेको त्यहाको प्रहरीले उनलाई शनिबार भारतको नयाँ दिल्लीस्थित काश्मिरी गेटबाट पक्राउ गरेको हो।
भारतीय समाचार सस्था पिटिआईका अनुसार भारतको वाजियावादमा बस्ने लामा नेपालको ओखलढुङ्गाका स्थायी बासिन्दा हुन्। उनी लामो समयदेखि नेपाली चेलिबेटी बेचविखनमा संलग्न रहँदै आएको प्रहरीले जनाएको छ।गत वर्ष जुलाई २५ मा नयाँ दिल्लीको महिला आयोगले १६ नेपाली चेलीलाई दिल्लीस्थित मुनिरका गाउँको एक घरबाट उद्वार गरेको थियो। उक्त घटनापछि नयाँ दिल्लीस्थित बसन्त विहारको प्रहरी चौकीमा मुद्वा दर्ता भएको थियो।
बसन्त विहार स्पेसल सेलका प्रहरी सञ्जिबकुमार यादवले पिटिआईलाई बताएअनुसार प्रारम्भिक अनुसन्धानले महिला आयोगले उद्वार गरेका १६ चेलीलाई लामाले भाडामा लिएको घरमा राखिएको थियो। लामाले उनीहरूलाई करिब २०–२२ दिनदेखि बन्दक बनाएर राखेको प्रहरीले जनाएको छ।
बन्धक बनाइएको चेलीलाई गल्फ मुलुक पठाउने योजना बनाइएको पनि भारतीय प्रहरीलाई उधृत गर्दै पिटिआईले जनाएको छ। लामाले बन्धक बनाएका चेलीहरू भाग्न नपाउन भनेर उनीहरूको राहदानी र अन्य कागजात जफत गरेर राखेको पाइएको छ। महिला आयोगको सहयोगमा जुलाई २५ बन्धकमुक्त भएपछि चेलीले लामाले पाँच नेपाली महिलालाई कुवेत र दुई जनालाई इराक पुर्याइसकेको बताएका थिए। प्राप्त सूचनाका आधारमा शनिबार लामालाई नयाँ प्रहरीले पक्राउ गरेको हो।
पक्राउपछिको सोधपुछमा लामाले आफूमाथि लागेको अभियोग स्वीकार गरेको भारतीय प्रहरीको भनाई छ। लामाले आफूसहित भिनाजु र अन्य सहयोगीका साथमा नेपाली चेलीलाई विभिन्न गल्फ देश पठाउने धन्दा सञ्चालन गर्ने गरेको स्वीकारेका हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
