न्यूयोर्क– चिसो हावाको चुनौती सहँदै दशौं हजार महिलाले अमेरिकाको न्यूयोर्कमा वृहत प्रदर्शन गरेका छन्।
महिला अधिकार र लैंगिक असमानता अन्त्यलगायतका माग राख्दै उनीहरूले शनिबार प्रदर्शन गरेको समाचारमा जनाइएको छ।
वार्षिक देशव्यापी कार्यक्रम अन्तर्गत उनीहरूले प्रदर्शन गरेका हुन्। प्रदर्शन गर्नुपूर्व उनीहरू स्थानीय समयानुसार बिहान ११ बजेको आसपासमा म्यानह्याटनको पश्चिमतर्फ भेला भएका थिए।
प्रदर्शनमा सहभागी हजारौँले आफैं बनाएका फरक फरक पोस्टर तथा ब्यानरहरू प्रदर्शन गर्नुका साथै विभिन्न नारा लगाएका थिए।
उनीहरुले ब्यानर, पोष्टर र नारामा लैंगिकतासम्बन्धी र मुलुकमा भइरहेको अन्याय सम्बन्धी विषयलाई उठाएका थिए।
'महिलाहरुको नयाँ अवस्था र भविष्यका लागि म प्रदर्शनमा सहभागी भएको हुँ,' १७ वर्षीया इमिली बाल्टरले भनिन्।
स्थानीय जेनिफर एडिसनले पनि महिला अधिकारका लागि आफूहरू संघर्षमा रहेको बताइन्। म्यानह्याटनबाट सुरु भएको प्रदर्शनमा १ हजार ५ सय सहभागी भएका थिए।
सन् २०१७ को जनवरीमा पहिलो महिला र्याली आयोजना गरिएको थियो। राष्ट्रपति डोनाल्ड ट्रम्पको सपथग्रहण समारोह भइरहेका बेला दबाब दिनका लागि त्यतिबेला पहिलो पटक महिलाहरूले र्यालीको आयोजना गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775812183.jpg)
-1764146706.png)
