काठमाडौं– सरकारले परिमार्जन गरेको मर्यादाक्रममाथि सांसदले असन्तुष्टि व्यक्त गरेका छन्।
प्रतिनिधिसभाको आइतबारको बैठकमा नेकपाका सांसद हरिराज अधिकारीले भने, 'मर्यादाक्रमले अपमानित महसुस गरेका छौं। यसलाई पुनर्विचार गरियोस्।'
उनीपछि बोलेका नेकपाकै सांसद हरिबोल गजुरेलले पनि अधिकारीको विचारमा सहमति जनाए। भने– 'हरिराज अधिकारीले उठाउनुभएको विषयलाई गम्भीरताका साथ लिइयोस्। त्यसले विवाद सिर्जना गरेको छ। हरेक चिज गर्दा हचुवाले गर्ने, त्यसपछि पछि हट्ने प्रक्रिया छ। त्यो अन्त्य हुनुपर्यो।'
मन्त्रिपरिषद्को केही दिनअघिको बैठकले राष्ट्रिय जीवनका विभिन्न क्षेत्रमा रहेका व्यक्तिहरुको मर्यादाक्रम स्वीकृत गरेको थियो। प्रदेशका मन्त्री र केन्द्रका सांसद, राज्यमन्त्री, काठमाडौं महानगरका मेयर, पूर्वसांसद, मुख्यसचिव र प्रधानसेनापति नवौं नम्बरमा छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
