नयाँ दिल्ली– भारतका विभिन्न विमानस्थलमा विगत २४ घन्टामा ४ वटा आपतकालीन विमान अवतरण गर्नुपरेको छ। विमानमा सवार सबै यात्रु सुरक्षित रहेका छन्।
आइतबार, मुम्बईबाट दुर्बइतर्फ गइरहेको एयर इन्डिया एक्सप्रेसको विमान हाइड्रोलिक समस्याका कारण मुम्बई विमानस्थलमा आपतकालीन अवतरण गरेको थियो।
आइतबार नै नयाँ दिल्लीका लागि उडेको स्पाइसजेटको विमान बायाँतर्फको इन्जिनमा समस्या देखिएपछि वनारस विमानस्थलमा आपतकालीन अवतरण गराइएको थियो। यो विमान हङकङबाट १ सय ४० भन्दा बढी यात्रु बोकेर उडिरहेको थियो। विमानमा सवार सबै यात्रु सकुशल रहेका छन्।
स्पाइसजेटका प्रवक्ताले पाइलटले एक नम्बर इन्जिनमा न्यून परिमाणमा इन्धन आपूर्ति भएको थाहा पाउनासाथ वनारस विमानस्थलमा आपतकालीन अवतरण गराएका बताए।
शनिबार राति, एयर इन्डियाको विमानबाट इन्धन चुहिन थालेपछि कोलकोता विमानस्थलमा आपतकालीन स्थिति घोषणा गरिएको थियो। बैंककबाट नयाँ दिल्ली उडानमा रहेको एयर इन्डियाको उडान नम्बर एआई–३३५ विमानमा राति १०ः३५ मा प्राविधिक गडबडीको आशंका गरिएको थियो। यो घटनामा कोही यात्रु घाइते भएका छैनन्।
एयर इन्डियाको वक्तव्यमा पूर्व सावधानीका लागि विमानलाई कोलकाता विमानस्थलमा अवतरण गराउनुपरेको उल्लेख छ। सो विमानका यात्रुलाई अर्को विमानमा राखेर राति साढे दुई बजे नयाँ दिल्ली पुर्याइएको थियो।
शनिबार, कोलकोता–चेन्नई चल्ने इन्डिगो विमान पनि उडेको केहीबेरमै प्राविधिक समस्या देखिएपछि पुनः चेन्नई फर्किएको थियो। विमानमा सामान्य खराबी देखिएको तर आपतकालीन स्थिति घोषणा नगरिएको इन्डिगोले जनाएको छ। रासस/एएनआई
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1771838848.png)
-1764146706.png)
