काठमाडौं– सरकारले गठन गरेको राजनीतिक वार्ता टोलीले अहिलेसम्म २३ वटा विभिन्न भूमिगत र असन्तुष्ट समूहसँग वार्ता गरेको छ।
गत भदौ ८ गते प्रतिनिधिसभाका सांसद सोमप्रसाद पाण्डेको नेतृतवमा ५ सदस्यीय राजनीतिक वार्ता टोली गठन गरेको थियो। सो टोलीले अहिलेसम्म २३ वटा समूहसँग वाता भएको जनाएको छ।
सिंहदरबारमा बिहीबार पत्रकार सम्मलेन गर्दै वार्ता टोलीका संयोजक पाण्डेले ३ वटा समूहले हतियार बुझाएर निशस्त्र भई मुलधारको राजनीतिक प्रक्रियामा प्रवेश गरेको बताए। त्यस्तै ३ वटा समूले भने पहिल्यै हतियार बुझाएको र गैर कानूनी क्रियाकलाप त्यागी मुलधारको राजनीतिमा आउने बताएको जानकारी दिए।
नेत्रविक्रम चन्द (विप्लव) नेतृत्वको नेपाल कम्युनिष्ट पार्टी (नेकपा) ले भने वार्ता अस्विकार गरेको छ। विप्लव समूहका केन्द्रीयस्तरका नेतासँग पटक पटक सम्पर्क गर्दा समेत वार्ता गर्ने वातावरण नभएको भन्दै वार्ता अस्विकार गरेको सांसद पाण्डेले जानकारी दिए।
उता स्वतन्त्र मधेसको अभियान चलाइरहेका सिके राउतका समूहसँग भने वार्ता गरिएको छैन। राष्ट्रियता, सार्वभौमता, अखण्डतालगायत राज्यविरुद्धको गतिविधि गर्ने गर्ने भएकाले सिके राउतको समूहसँग वार्ता गर्ने कार्यक्षेत्र नै नपरेको भन्दै वार्ता नगरिएको हो।
वार्ता टोलीले अन्य साना समूहसँग पनि वार्ता गरेकाले मुलुक दवन्द्वरत अवस्थामा नदखिएको पनि जनाएको छ।
त्यसैगरी वार्तामा आएका समूहमध्ये द्वन्द्वका क्रममा मृत्यु भएका कार्यकर्ताको संख्या ९० जना र घाइतेको संख्या ४२ जना रहेको बताइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
