धनगढी- सुदूरपश्चिम प्रदेश गाउँपालिका राष्ट्रिय महासंघले प्रदेश सरकारले विनियोजन गरेको बजेट कार्यान्वयनमा समस्या देखिएको जनाएको छ।
‘प्रदेश सरकारले आर्थिक वर्ष ०७५/७६ मा स्थानीय तहसंग छलफल नै नगरी बजेट विनियोजन गर्यो’ गाउँपालिका राष्ट्रिय महासंघको मंगलबार बसेको दोस्रो बैठकका निर्णय सार्वजनिक गर्दै अध्यक्ष दुर्गादत्त जोशीले भने, ‘प्रदेशले डिभिजन कार्यालय त स्थापना गर्यो तर, कर्मचारी र भौतिक संरचना छैन। हामीसँग समन्वय पनि भएको छैन। यसकारण कार्यान्वयनमा समस्या भएको छ।’
स्थानीय तहसँग समन्वय नगर्दा कतिपय योजनामा दोहोरो बजेट पनि परेको गुनासो समेत उनीहरूले गरेका छन्।
गाउँपालिकाले स्थानीय तहका उपाध्यक्षलाई कामको अतिरिक्त भार भएकाले थप तालिम र क्षमता अभिवृद्धिका कार्यक्रम प्रदेश सरकारले सञ्चालन गर्नुपर्ने माग गरेको छ। गाउँपालिकाले प्रदेश सरकारले संविधानको मूल मर्म अनुसार काम गर्नुपर्ने बताउँदै स्थानीय तह र प्रदेश सरकारबिच सहअस्तित्व, सहकार्य र समन्वयमा अघि बढनु आवश्यकता रहेको औंल्याएको छ।’
यस्तै, गाउँपालिका राष्ट्रिय महासंघको दोस्रो बैठकले धनगढी क्षेत्रमा गाउँपालिकाको कार्यालय स्थापना गर्ने, सबै जिल्लामा बैठक सञ्चालन गर्ने गाउँपालिकाको विधानअनुसार तत्काल गाउँपालिकाको खाता सञ्चालन गर्ने लगायतका पाँच वटा निर्णय गरेको छ।
यस्तै महासंघले प्रदेश अधिवेशनबाट जारी घोषणापत्र प्रदेशका मुख्यमन्त्री त्रिलोचन भट्ट र सभामुख अर्जुनबहादुर थापालाई बुझाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1776414047.png)
-1764146706.png)
