कविता : अनुरोध

साहित्य डबली

कविता : अनुरोधकविता

नेपाल लाइभ शनिबार, पुस ७, २०७५ १३:५७

रगतको आहालबाट बन्दुकको नाल हुँदै
देशद्रोहीको छातीमा रोपिएका अक्षरहरू
कोरा कागजमा उतारिएपछि
जन्म भएको हो– संविधानको

मानि लिउँ,
यसरी लेखियो कि संविधान
अब उप्रान्त,
फाट्ने छैनन्– कसैका काँधहरू
उध्रिने छैनन्– कसैका जामाहरू
भोकको विकल्प खोज्नुपर्ने हुनेछैन– तमाम पेटहरूले

आश्वासनका भन्डारणहरू यसरी खोलिए कि
जो खानी बन्नेछ– प्रेरणाको
श्रोत बन्नेछ– समाधानको
सहानुभूति बन्नेछ– विधुवाहरूको
मुस्कान बन्नेछ– पीडितहरूको
र बन्नेछ सहारा– अनाथहरूको

तर,
क्रुरताको जाल हानेर भरियाको पिठ्युँमा
भ्रमको र्कोरा हानेर श्रमिकको फिलाफिलामा
राहातका बुट बजारेर किसानका पेटपेटमा

संविधानका धारा, उप–धारा र अनुसूचीहरूमा
लगाएर ताला
एउटा क्रुर शासका उभिएको छ अझै पनि

यो नपुंसक सरकार
गर्भवती बनाएर संविधानको दस्तावेज
जन्माइरहन्छ घाँटी निमोठ्ने धारा, उपधाराहरू

सरकार!
हरेक दिन छोरीहरू बलात्कृत भैरहने
मेरो देशको संविधानमा
मजस्ता लाखौँ नानीहरूको
सुरक्षित ‘आज र भोलि’
कहाँनिर लेखिएको छ?

००

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

दुर्गा प्रसाईँका दुई वटै अस्पतालको खाता फुकुवा गर्न सर्वोच्चको अन्तरिम आदेश

बालुवाटारमा मन्त्रिपरिषद् बैठक सुरु

शिक्षामन्त्री विद्या भट्टराईले राजीनामा दिइन्