काठमाडौं– हनरले कृत्रिम बुद्धिमत्तामा आधारित अनुवाद सुविधा, ठूलो पर्दा र ५ हजार एमएएच क्षमताको ब्याट्रीसहितको नयाँ स्मार्टफोन हनर च्वाइस टी१० नेपाली बजारमा सार्वजनिक गरेको छ।
कम्पनीका अनुसार फोनमा कृत्रिम बुद्धिमत्तामा आधारित एकैपटक भाषा अनुवाद गर्ने सुविधा रहेको छ। यसले विभिन्न भाषामा हुने कुराकानीलाई वास्तविक समयमा अनुवाद गर्न सहयोग गर्नेछ। विभिन्न भाषा बोल्ने व्यक्तिबीचको संवादलाई सहज बनाउने उद्देश्यले यो सुविधा ल्याइएको कम्पनीले जनाएको छ।
फोनमा बहुभाषिक अफलाइन अनुवाद सुविधा समेत राखिएको छ। इन्टरनेट उपलब्ध नभएको अवस्थामा पनि विभिन्न भाषाको अनुवाद गर्न सकिने कम्पनीको दाबी छ। इन्टरनेट पहुँच नभएका स्थानमा समेत यो सुविधा उपयोगी हुने कम्पनीले जनाएको छ।
हनर च्वाइस टी१० मा ६.७५ इन्चको ठूलो पर्दा राखिएको छ। भिडियो हेर्न, इन्टरनेट चलाउन तथा दैनिक कामका लागि सहज हुने गरी फोनमा ठूलो पर्दा उपलब्ध गराइएको कम्पनीले जनाएको छ।
त्यस्तै, फोनमा ५ हजार एमएएच क्षमताको ब्याट्री रहेको छ। यसले दैनिक प्रयोगका क्रममा लामो समयसम्म विद्युत् आपूर्ति धान्न सक्ने कम्पनीको दाबी छ।
दुई संस्करणमा उपलब्ध
हनर च्वाइस टी१० नेपाली बजारमा दुई संस्करणमा उपलब्ध छ।
३ जीबी र्याम तथा ३२ जीबी भण्डारण — १६ हजार ४९९ रुपैयाँ
४ जीबी र्याम तथा ६४ जीबी भण्डारण — १९ हजार ४९९ रुपैयाँ
कम्पनीका अनुसार हनर च्वाइस टी१० नेपालभर रहेका अधिकृत हनर बिक्री केन्द्रहरूबाट खरिद गर्न सकिनेछ।
नयाँ स्मार्टफोनमार्फत दैनिक सञ्चारलाई सहज बनाउँदै कृत्रिम बुद्धिमत्तामा आधारित सुविधालाई सर्वसाधारणको पहुँचमा पुर्याउने उद्देश्य राखिएको कम्पनीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
