काठमाडाैं– अर्थमन्त्री डा. युवराज खतिवडाले इजाजतबिना नै भुक्तानी सम्बन्धि कारोबार गर्नेमाथि कडा कारबाही गर्ने चेतावनी दिएका छन्।
अर्थमन्त्री खतिवडाले अनलाइन सेवाबाट भुक्तानी गर्न नेपाल राष्ट्र बैंकको नियमनकारी निकायमा आवद्ध हुन पनि व्यवसायीहरूलाई सचेत गराएका हुन्।
शुक्रबार संघीय संसद प्रतिनिधिसभा अन्तरगतको अर्थ समितिको बैठकमा ‘भुक्तानी तथा फर्स्याैट सम्बन्धमा व्यवस्था गर्न बनेको विधेयक–२०७५' माथिको छलफलमा भाग लिँदै उनले विदेशी मुद्रालाई अपचलन नहुन नदिन पनि सरकारले सो विधेयक ल्याउनु परेको स्पष्ट पारे।
अर्थमन्त्री खतिवडाले भुक्तानीमा जालसाँची हुन नदिन सरकारले नेपाल राष्ट्र बैंकका गभर्नरको अध्यक्षतामा समितिनै गठन गरेको पनि स्मरण गराए।
उनले विद्युतीय भुक्तानी प्रणालीलाई व्यवस्थित बनाउन पनि सरकारले सो सम्बन्धि बैकिङ प्रणालीको विकास गर्न लागिरहेको जानकारी दिए।
अर्थमन्त्री खतिवडाले अनलाइन भुक्तानी प्रणालीलाई व्यवस्थित बनाउन पनि सरकारले सोसम्बन्धि कानुन निर्माणको कामलाई अघि बढाएको स्पष्ट पारे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
