गजल सन्ध्यामा ज्ञानुवाकर र जय

साहित्य डबली

नेपाल लाइभ शनिबार, मंसिर २९, २०७५ १०:१३

काठमाडाैं– सांस्कृतिक संस्थान र अनाममण्डलीद्वारा मासिक रूपमा आयोजित गजल सन्ध्याको दास्रो शृङ्खला सांस्कृतिक संस्थानको सभाकक्षमा सम्पन्न भयो।

कार्यक्रममा नेपाली गजलका पुनर्जागरक ज्ञानुवाकर पौडेल र अनाममण्डलीका पूर्व महासचिव जय गौडेलको गजल वाचन रहेको थियो। संस्थानका अध्यक्ष उद्योग राईको सभापतित्वमा सम्पन्न उक्त कार्यक्रममा गजलकार रवि प्राञ्जल, डा. घनश्याम परिश्रमीलगायत थुप्रै गजलकारको उपस्थिति रहेको थियो।

राष्ट्रिय सभा सदस्य खेम नेपालीको प्रमुख आतिथ्यता सम्पन्न कार्यक्रममा संस्थानका महाप्रबन्धक राजेश थापाले स्वागत मन्तव्य व्यक्त गरेका थिए भने अनाममण्डलीका अध्यक्ष रूपक अलङ्कारले धन्यवाद ज्ञापन गरेका थिए।

वाचन गरिएका गजलको समीक्षा नेपाली साहित्यका प्रखर वक्ता कवि एवम् समालोचक डा. देवी नेपालले गरेका थिए। गजलकार ज्ञानुवाकर पौडेलले समसामयिक विषय र शृङ्गार रसका गजल वाचन गरे भने गजलकार जय गौडेलले समसामयिक विषयका साथसाथै शृङ्गार रसका गजलहरूलाई तरल्लुम शैलीमा प्रस्तुत गरेका थिए।

समीक्षात्मक टिप्पणी गर्दै डा. देवी नेपालले पौडेलका गजलमा तर्क, उदाहरण र दृष्टान्त अकाट्य रहने कुरा व्यक्त गरे।

यसैगरि गौडेलका गजलमा शृङ्गारको प्रचुरता, व्यंग्यको अधिकता र वाचन शैलीमा माधुर्यता रहेको दाबी गरे। गजलका विषयमा वर्तमानमा रहेको द्वन्द्व हटाउन गौडेल र पौडेलका बीच मतैक्यता भए पुग्ने सङ्केत पनि गरे।

कार्यक्रममा दुवै स्रष्टाले आठ/आठ वटा गजल प्रस्तुत गरेका थिए। रचनावाचनको सहकार्य रहेको यो गजल सन्ध्या हरेक महिनाको अन्तिम शनिबार प्रस्तुत हुँदै आएको कुरा संस्थानका महाप्रबन्धक थापाले जानकारी दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

दुर्गा प्रसाईँका दुई वटै अस्पतालको खाता फुकुवा गर्न सर्वोच्चको अन्तरिम आदेश

बालुवाटारमा मन्त्रिपरिषद् बैठक सुरु

शिक्षामन्त्री विद्या भट्टराईले राजीनामा दिइन्