काठमाडौं- प्रतिनिधिसभा अन्तर्गतको अन्तर्राष्ट्रिय सम्बन्ध समितिले नेपाल वायुसेवा निगमले खरिद गरेको दुई वटा ए ३३०–२०० वाइडबडी विमानको विषयमा अध्ययन गर्न पुनः उपसमिति गठन गरेको छ।
यसअघि समितिले पूर्व उपप्रधानमन्त्री तथा नेपाली कांग्रेस नेता प्रकाशमान सिंहको संयोजकत्वमा गठन गरेको उपसमिति भंग गर्दै नयाँ उपसमिति गठन गरेको हो।
समितिले पुनः दीपकप्रकाश भट्टको संयोजकत्वमा पाँच सदस्य उपसमिति गठन गरेको छ। समितिमा दीव्यमणि राज भण्डारी, रेनुका गुरुङ, सरल कुमारी यादव, सुदन किराती सदस्य रहेको छन।
यसैगरी समितिले तारागाउँ विकास समिति सहितको लगानीमा सञ्चालन भएको हयात रिजेन्सी होटलको विषयमा समेत अध्ययन गर्ने भन्दै उपसमिति गठन गरेको छ। उपसमिति संयोजकमा अग्निप्रसाद सापकोटा रहेका छन्। सदस्यहरुमा नारदमुनि राना, पुष्पा भुसाल, प्रेम प्रसाद तुलाचन र सानु सिवा रहेका छन्।
समितिले दुवै उपसमितिलाई एक महिनाको समय दिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
