काठमाडौं– काठमाडौंको गोंगबुबाट मंगलबार अपहरण गरी हत्या गरिएका ८ वर्षीय बालक प्रयास कुँवर हत्याको कारण सामान्य विवाद देखिएको छ।
_x000D_
_x000D_
२०६३ सालदेखि गोंगबुमा त्रिवेणी स्वस्तिका गेष्ट हाउस सञ्चालन गर्दै आएका प्रदीप कुँवरसँग आफ्नै सवारी चालक २२ वर्षीय महेन्द्र सार्कीसँग भएको सामान्य विवाद नै अन्ततः बालक हत्याको कारण बनेको देखिएको छ। हाल पक्राउ गरी महानगरीय प्रहरी अपराध महाशाखामा राखिएका चालक सार्की र पीडित परिवारको भनाइलाई आधार मान्दा बालक हत्याको कारण दुई पक्षबीच भएको सामान्य विवाद नै देखिन्छ।
_x000D_
_x000D_
‘हामीले हत्या आरोप लागेका सार्की र पीडित परिवार दुबैको कुरा सुनेका छौं’, महानगरीय प्रहरी अपराध महाशाखाका एसएसपी धिरजप्रताप सिंहले भने, ‘हत्याको कारण सामान्य विवाद नै देखिएको छ।’
_x000D_
_x000D_
प्रहरीका अनुसार चालक सार्कीले आफ्नो काममा लापरबाही गर्दै आएका थिए। उनको कामबाट सन्तुष्ट नभएका होटल सञ्चालक कुँवरले उनलाई केही दिन अघिमात्रै जागिरबाट निकालिदिने भन्दै सुध्रन चेतावनी दिएका थिए। साहुको चेतावनीकै कारण रिस साँध्न उनले बालकको हत्या गरेको अनुसन्धानबाट खुलेको एसएसपी सिंहले जानकारी दिए।
_x000D_
_x000D_
यसरी गरिएकाे थियाे हत्या
_x000D_
_x000D_
मंसिर ११ गते मंगलबार, साँझ ६ बजे,
_x000D_
_x000D_
कक्षा १ मा पढ्ने ८ वर्षीय बालक प्रयासलाई चालक सार्कीले १० रुपैयाँको चकलेट किनिदिन्छन्। त्यसदिन बालकका बुबा श्रीमतीलाई उपचार गराउन गेष्ट हाउस नजिकैको मेडिकल गएका थिए। बालक प्रयासलाई चकलेट किनेर दिएको नजिकैका किराना पसलेले समेत प्रहरीलाई बताएका थिए। त्यसपछि भने प्रयासलाई नत पसलेले देखे, नत परिवारका सदस्यले नै। यहींबाट अपहरणको खेल सुरु भएको देखिन्छ।
_x000D_
_x000D_
चकलेट किनिदिएपछि घरको चाबी राखेर चालक सार्कीले बालकलाई घुम्न जाऔं भन्दै गाडीमा राखेर कतै लान्छन्। चालकले बालक लिएर गइसकेपछि मात्रै घर फर्किएका आमाबुबाले छोराको खोजी गर्छन्, तर पत्तो पाउँदैनन्। चालक सार्कीले बालकलाई नजिकैैको नागार्जुनको जंगल लान्छन् र गाडीभित्रै घाँटी थिची बालकको हत्या गर्छन्।
_x000D_
_x000D_
यो बीचमा बालकका आमाबुबाले चालक सार्कीलाई फोन गरेर सोध्छन् – ‘प्रयास तसँग छ?’
_x000D_
_x000D_
सार्की– मलाई थाहा छैन।
_x000D_
_x000D_
सार्की तथा आफन्तहरुसँग सोधखोज गरेपनि छोराको अवस्था थाहा पाउन नसकेपछि अन्ततः कुँवर परिवार छोरा हराएको निर्णयमा पुग्छन्।
_x000D_
_x000D_
उता बालकको हत्यापछि शव गाडीमै राखेर चालक सार्की भने गोंगबुतिर फर्किन्छन्। बाटोमा एउटा किराना पसलमा जेब्रा झोला किनेर पुनः उनी गाडी रहेको स्थानमा पुग्छन्। त्यही झोलामा बालकको शव हाल्छन् र मैह्पीको पुलमुनि फालेर निस्कन्छन्।
_x000D_
_x000D_
बालक हराएको १ घन्टामा हत्या गरिसकेर शवसमेत व्यवस्थापन गरेर चालक सार्की आफ्नो काममा फर्किएका थिए। यसकारण पनि प्रहरी र परिवारले उनीमाथि शंकासमेत गर्न सकेको थिएन। परिवारले छोरा हराएको भनेर प्रहरीमा खबर गरिसक्दा बालक प्रयासको भने हत्या भइसकेको हुन्छ। जसको जानकारी सार्कीलाई बाहेक अन्य कसैलाई थिएन। तर, उनै सार्की कुँवर परिवारको पीडासँगै गोहीको आँशु झार्न तल्लीन थिए।
_x000D_
_x000D_
‘केही दिनअघि देखिको रिसइबी रहेछ। बदला साँध्न उपयुक्त मौका हेरेर बसेका चालकले बालकका आमाबुवा दुबै नभएको अवस्थामा बालकको अपहरण गरी हत्या गरेको देखिन्छ’, एसएसपी सिंह भन्छन्।
_x000D_
_x000D_
चालक बनेको एक महिनामै हत्या
_x000D_
_x000D_
सार्की एक वर्षअघिसम्म भारतमा बस्थे। होटल सञ्चालक कुँवरको र सार्की दुबैको घर स्याङ्जा हो। यसभन्दा अघि पनि उनीहरुबीच चिनजान थियो। जिल्लाबासीको साइनो जोड्दै सार्कीले एक महिना अघिमात्रै कुँवरको होटलमा चालकको जागिर खाएका थिए।
_x000D_
_x000D_
एकोहारो स्वभावका सार्की र होटल सञ्चालकबीच सुरु देखिनै सामान्य मनमुटाव भइरहन्थ्यो। ९ कक्षासम्म अध्ययन गरेका सार्की कहिले काममा जाने कहिले नजाने गर्थे। अवस्था यस्तो आयो की पटक–पटकको सामान्य विवाद नै अन्ततः विष्फोट हुन पुग्यो। जसको शिकार बने ८ वर्षीय बालक प्रयास, जो बाबुसँगको सामान्य विवादको निशानामा परे।
_x000D_
_x000D_
‘लोकसन ट्र्यास’ले पुर्यायो अाराेपीसम्म
_x000D_
_x000D_
प्रहरीले चालक सार्कीमाथि शंका गरेर अनुसन्धानसमेत अगाडि बढाएको थियो। ‘लोकसन ट्र्यास’ गर्दा बालक हराएको बेला चालक नागार्जुनको जंगलमा देखिएपछि प्रहरीले उनीमाथि अनुसन्धान सुरु गरेको थियो।
_x000D_
_x000D_
_x000D_
_x000D_
हत्या गरिएका बालक प्रयास।
_x000D_
_x000D_
_x000D_
बालाजुमा कोठा भाडामा लिएर श्रीमतीसँग बस्दै आएका चालकलाई एसएसपी सिंहको टोलीले उनको कोठाबाटै पक्राउ गरेको थियो। प्रहरीले पक्राउ गरेपछि उनी आफैंले घटनाको सम्पूर्ण बेलिबिस्तार लगाएका हुन्। उनी आफैंले बालकलाई हत्या गरेर फालेको ठाउँ देखाएका थिए। सोही मुताविक नै प्रहरी घटनास्थलसम्म पुग्न सकेको हो।
_x000D_
_x000D_
सानो रिसइबीका कारण आवेगमै बालकको हत्या गरेकाे अभियुक्त सार्कीले स्विकारेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
