काठमाडौं– मलेसिया सरकारले पछिल्लो समय बंगलादेश, इन्डोनेसिया र भियतनामसँग श्रमिक आपूर्तिका लागि सरकारीस्तरमा श्रम सम्झौता गर्ने विषयमा छलफल गरिरहेको छ। मलेसिया सरकारले ती देशसँग श्रम समझदारीपत्र (एमओयु)मा हस्ताक्षर गरेर मात्र नेपालको रोजगारी खुलाउने संकेत गरेको छ।
_x000D_
_x000D_
मलेसियाका मानव संसाधन मन्त्री एम कुलासेरगनले एसियन श्रम मन्त्रीस्तरीय बैठकमा बोल्दै मलेसिया सरकारले विदेशी श्रमिक प्रक्रियागत तरिकाले रोजगारीका लागि लिने योजनाका साथ बंगलादेश, इन्डोनेसिया र भियतनामसँग सरकारीस्तरमा श्रम सम्झौता गर्न लागेको बताएका थिए। यी देशसँग श्रम सम्झौताका लागि छलफल भइरहेको र जनवरी आगाडि नै हस्ताक्षर हुनसक्ने उनको भनाइ थियो।
_x000D_
_x000D_
मन्त्री कुलासेरगनले उक्त बैठकमा नेपालसँग भएको श्रम सम्झौता उदाहरणीय रहेको भन्दै नेपाली श्रमिकका हकमा अन्तर्राष्ट्रिय श्रमिक संगठन (आइएलओ) को विश्वव्यापी मापदण्डअनुसार नै सेवाशुल्क, स्वास्थ्य खर्च र हवाइ टिकटको सुविधा दिइने विषयमा जानकारी गराएका थिए। उनले मलेसिया रोजगारीका लागि आउने आप्रवासी श्रमिक मानव तस्करीमा परिरहेको विषयमा मलेसियन सरकार सचेत रहेको बताएका छन्।
_x000D_
_x000D_
मन्त्री कुलासेरगनको पछिल्लो अभिव्यक्तिले बंगलादेश, इन्डोनेसिया र भियतनामसँग श्रम सम्झौताको टुंगो लागेपछि मात्र नेपालको रोजगारी खुलाउने संकेत गरेको देखिन्छ।
_x000D_
_x000D_
पछिल्लो समय मलेसियाको रोजगारीमा श्रम सम्झौता भएपनि सरकारले खुलाउन प्रयास र चासो नदिएको भन्दै टीकाटिप्पणीसँगै आलोचना समेत भइरहेका बेला मलेसिया सरकारले घुमाउरो पारामा ४ देशको रोजगारी एकै पटक खुलाउने संकेत गरेको हो।
_x000D_
_x000D_
मन्त्री कुलासेरगनले एसियन श्रम मन्त्रीस्तर बैठकमा अब मलेसिया सरकारले नै विदेशी कामदारको जिम्मेवारी लिने र सोहीअनुसार कामदार लिने बताएका थिए।
_x000D_
_x000D_
मलेसिया जाने कामदारमाथि स्वास्थ्यलगायत अन्य शीर्षकमा सिन्डिकेट लगाउन बिचौलियाले ठूलो आर्थिक प्रलोभनसहित चलखेल गरिरहेका बेला मलेसियाली मन्त्रीबाट पछिल्लो अभिव्यक्ति आएको हो।
_x000D_
_x000D_
मलेसिया जाने कामदारमाथि आर्थिक शोषण गर्दै आएका ५ वटा संस्था खारेज गर्ने निर्णय श्रम, रोजगार तथा सामाजिक सुरक्षामन्त्री गोकर्ण विष्टले गत जेठ २ गते गरेका थिए। पछिल्लो समय तिनै संस्था सञ्चालक पुनः संस्था ब्युँताउन ठूलो चलखेल गरिरहेका छन्। मन्त्री विष्टले कामदारमाथि ठगी गर्ने संस्थालाई कारबाही गरेपछि त्यस्तै संस्था र प्रक्रिया सञ्चालन गर्ने गिरोह नै सक्रिय रहेको पाइएको छ।
_x000D_
_x000D_
मलेसियाको रोजगारीमा जाने कामदारको स्वास्थ्य परीक्षणका नाममा सिडिन्केट लगाउँदै आएका बिचौलियाले पुरानै संयन्त्र उल्टाएर संस्था चलाउने चलखेल गरिरहेको खुलासा भएको छ।
_x000D_
_x000D_
गत साता मलेसियामा विदेशी कामदार आपूर्ति गर्ने संस्था वार्सिन समूहका निर्देशक याङ अबुल कासिमले नेपालबाट मलेसिया जाने कामदारको स्वास्थ्य परीक्षण ‘फोमेमा’ नामक संस्थाबाट गराउन केही व्यवसायीसँग भेटघाट गरेको खुलासा भएको थियो।
_x000D_
_x000D_
उनीसँगै आएका बंगाली नागरिक हनिफले मलेसियाको नयाँ संयन्त्र आफूले सञ्चालन गर्न लागेको भन्दै बायोमेट्रिक स्वास्थ्य परीक्षण गराउँदै आएका केही मेडिकल व्यवसायीसँग संस्था खोल्ने आश्वासन बाँडेका थिए। यो विषयमा श्रम मन्त्रालयले सूचना पाएर पक्राउ गर्ने तयारी गरेपछि उनी भागेका थिए।
_x000D_
_x000D_
हनिफसँग निकट केही व्यवसायी नयाँ संयन्त्र निर्माण गरी मलेसिया जाने कामदारमाथि आर्थिक भार थप्ने चलखेलमा सक्रिय भएर लागिरहेका छन्।
_x000D_
_x000D_
नेपाल वैदेशिक रोजगार व्यवसायी संघले मलेसियासँग नेपालले गरेको श्रम समझदारीको १ महिनापछि पनि मलेसिया नखुलेको भन्दै तत्काल कलिङ भिसा खुला गर्न सरकारलाई आग्रह गरिरहेका छन्।
_x000D_
_x000D_
मंसिर १९ भित्र श्रम स्वीकृति खुला गर्न र नगरेमा कलिङ भिसा प्राप्त कामदारको भिसा स्ट्याम्पिङ प्रक्रिया अगाडि बढाउन वैदेशिक रोजगार व्यवसायीहरुलाई संघले आह्वान गर्न बाध्य हुने बताइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1786602170.png)
