पोखरा- पोखरा महानगरको दमकल शाखामा कैयौं पुराना गाडी छन्। कुनै प्रयोग भएर पुराना भएका त कुनै प्रयोगबिनै जीर्ण बनेर थन्किएका। जनप्रतिनिधि आउनुभन्दा धेरै वर्षअघि खरिद गरिएका ती गाडीबारे भने महानगरकै कति कर्मचारीलाई थाहा छैन।
_x000D_
_x000D_
महानगरको दमकल शाखामा रहेको २ वटा सिफ्टेज कलेक्सन केही समय प्रयोगमा आएर थन्किएको छ। त्यहाँ रहेको ग १ ग १२९ र ग १ ग १३० नम्बरको सिफ्टेज खरिद गरेर पनि प्रयोगमा नल्याउँदा कवाडीसरि बन्न पुगेको हो।
_x000D_
_x000D_
२०६१ सालमा महानगगरले किनेको ती सिफ्टेजको मूल्य एउटैको २१ लाख रुपैयाँ छ। ‘२ वटा सिफ्टेजको मूल्य ४२ लाख परेको हो,’ महानगरको भण्डार शाखा प्रमुख किरणप्रसाद कोइरालाले भने, ‘पहिलेपहिले मेला, महोत्सवहरुमा पानी पठाउनेसम्म काम गर्थ्यो तर पछि बिग्रिएर रोकियो।’
_x000D_
_x000D_
तत्कालीन उपमहानगरले फोहोरमैला व्यवस्थापन गर्न सिफ्टेज कलेक्सन गाडी किनेको महानगरमा कार्यरत पुराना कर्मचारी बताउँछन्। सिफ्टेज बिग्रिएको लामो समय भइसक्दा पनि बनाउनतिर ध्यान नदिँदा महानगरलाई लाखौंको घाटा पर्ने गरेको छ।
_x000D_
_x000D_
_x000D_
_x000D_
दमकल शाखामै भएको फोहार फाल्ने गाडी (कम्प्याक्टर) को पनि सोही हाल छ। ग १ ग ११९, ग १ ग १२२ र ग १ ग १२४ नम्बरका ती कम्प्याक्टरले फोहोरमैला थिचेर धेरै अँठ्याउने काम गर्ने दमकल शाखाका कर्मचारीले जानकारी दिए। तत्कालीन महानगरले एउटा गाडी ११ लाख रुपैयाँमा किनेको महानगरको अभिलेखमा उल्लेख छ। ‘त्यतिबेला ७ वटा कम्प्याक्टर एकैचोटि ८१ लाख रुपैयाँमा किनेको हो,’ एक कर्मचारीले भने।
_x000D_
_x000D_
यसबाहेक पनि महानगरको दमकल शाखामा थन्किएर बस्नेमा अन्य पनि करोडौंका गाडी छन्। १८ लाख मूल्य परेको दमकल शाखामै एउटा बाटो सम्याउने एउटा रोलर छ। जुन रोलर १२ वर्ष पहिले तत्कालीन उपमहानगरले खरिद गरेको हो। एक दिन पनि प्रयोगमा नआई थन्किएको उक्त रोलरमा २ इन्जिन हुनुपर्नेमा एउटा मात्रै छ, जसका कारण रोलरले आफ्नै वजन थेग्न सक्दैन।
_x000D_
_x000D_
_x000D_
_x000D_
दमकल शाखामै रहेको ग १ ग २४६ नम्बरको खरानी रङको एउटा गाडी छ। महानगरको लेखा शाखाका अनुसार सो गाडी २० वर्ष पहिले किनिएको हो। ‘५५ सालभन्दा अघि नै किनिएको हामीसँग रेकर्ड छ,’ महानगर भण्डार शाखा प्रमुख किरण कोइरालाले भने, ‘त्यतिबेला राजस्व कट्टी गरेर १२ लाखमा किनिएको हो।’
_x000D_
_x000D_
आर्थिक वर्ष २०७१/७२ सालमा सो गाडी मर्मत गर्न महानगरले साढे ३ लाख रुपैयाँ खर्चिए पनि पुनः बिग्रँदा थन्किएर बसेको हो।
_x000D_
_x000D_
दमकल शाखाको चौरमा ती गाडी थन्किएको वर्षौं भयो। यहाँसम्म कि महानगरकै ढड्डामा समेत त्यसबारे यकिन ‘लेखा’ देखिन छाडिसकेको छ। जनप्रतिनिधि आउनुभन्दा धेरै वर्ष पहिले विभिन्न माध्यमबाट खरिद गरिएका ती गाडीका नम्बर प्लेटसमेत खुइलिसकेको छ।
_x000D_
_x000D_
_x000D_
_x000D_
महानगरका उपसचिव तथा सूचना अधिकृत गंगालाल सुवेदीले कामविहीन भएका ती गाडी व्यवस्थापन गर्न अब कार्यपालिका बोर्डले नै निर्णय गर्नुपर्ने जानकारी दिए। ‘हामी सबै जनप्रतिनिधिलाई पनि सोबारे जानकारी दिन्छौं। यसका लागि कार्यपालिका बैठकले नै निर्णय गर्नुपर्छ,’ उनले भने।
_x000D_
_x000D_
त्यस्तो काम नलाग्ने उपकरण लिलामीमा लैजान सकिने सुवेदीले प्रस्ट्याए। उनले भने, ‘अन्य नगरपालिकाले मागेमा हामी सहयोग गर्न सक्छौं। त्यसो हुँदैन भने लिलामी प्रक्रियामै लैजानुपर्ने हुन्छ।’ सवारीजन्य वस्तुको लिलामी प्रक्रिया लामो र झन्झिटिलो हुने भएकाले यसबारे कार्यपालिका बोर्डले गर्ने निर्णय नै उत्तम हुने उनले सुनाए।
_x000D_
_x000D_
_x000D_
_x000D_
महानगरका ती कामविहीन गाडी जनप्रतिनिधि आउनुभन्दा पहिले नै खरिद गरिएको र धेरै वर्ष पुरानो भइसकेकाले यसबारे चाँडै उपाय खोजिने महानगर बताउँछ। ‘पुराना लेखा भएकाले धेरै पुराना सवारीको खास मूल्य नै भेटिएको छैन। हामी त्यसैमा लागेका छौं। मूल्यांकन भयो भने यो समस्या हट्दै जान्छ,’ लेखा विभागका एक कर्मचारी भन्छन्।
_x000D_
_x000D_
पढ्नुस् यो पनि : कवाडी बने पोखरा महानगरका लाखौंका गाडी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790846254.jpg)
-1786602170.png)
