चितवन– नेपाल कम्युनिस्ट पार्टी (नेकपा)का अध्यक्ष पुष्पकमल दाहाल प्रचण्डले पाँच वर्षभित्र चितवनका सबै बाटो पिच हुने बताएका छन्। बिहीबार भरतपुर महानगरको वडा नम्बर २४ को कार्यालय उद्घाटन र वातावरणमैत्री वडा घोषणा कार्यक्रममा बोल्दै प्रचण्डले विकासका कामका लागि आफूले पहल गरिरहेको बताएका हुन्।
_x000D_
_x000D_
आफू चुनावअघि आउँदा भरतपुर २४ को समस्यामध्ये एउटा यहाँ एक इन्च बाटो पनि पिच छैन भनिएको सम्झिँदै प्रचण्डले आफू कार्यक्रममा आउँदा पिच बाटो भएरै आएको बताए। त्यसमा आफूलाई गर्व भएको उनले सुनाए।
_x000D_
_x000D_
'यो पूरा त भएको छैन। तर शुभ संकेत हो', उनले भने, 'एक वर्ष त बित्यो। अबको चार वर्षभित्र चितवन जिल्लाका सबै बाटोहरु धुलोमुक्त पिच हुनेछ भनेर तपाईंहरुलाई विश्वास दिलाउन चाहन्छु। त्यो कामको थालनी महानगरपालिका, प्रदेश सरकार र संघीय सरकारबाट भई नै सकेको छ।'
_x000D_
_x000D_
उनले भरतपुर २४ मा अव्यवस्थित बसोबास र सुकुम्बासी समस्या भएको बताउँदै त्यसलाई समाधान गर्ने बताए।
_x000D_
_x000D_
प्रचण्डले विवादमा रहेको चितवनमा क्रिकेट मैदान बनाउने र सभाहल बनाउने कुरा टुंगोमा पुगेको बताए। 'अब क्याबिनेट मार्फत यी दुवै कुरालाई आधिकारिकता दिने समझदारी र निष्कर्षमा हामी पुगेका छौं', उनले भने।
_x000D_
_x000D_
प्रचण्डले निर्वाचनका बेला भनिएजस्तो पाँच वर्षमा चितवन साँच्चै गर्व गर्न लायक, संसारले पनि हेर्नैपर्ने विकासको मोडलका रुपमा बनाउन सकिन्छ, बनाउनुपर्ने बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1709961276.jpg)
-1786602170.png)
