मर्चवार, रुपन्देही - २०७३ को फागुन ४ मा निकै तामझामका साथ भैरहवामा रहेको मालपोत कार्यालय र नापी कार्यालय फुटाएर मर्चवारको मझगावार बुटवलमा लगियो । स्थानीयलाई सेवा सुविधा दिने उद्देश्यसहित भैरहवाबाट अन्यत्र २ स्थानमा लगिएको मालपोत कार्यालय बुटवलबाट सेवा सुविधा राम्रैसँग लिए पनि रुपन्देहीको मर्चवारबासी भने अझै सास्ती खेप्न बाध्य छन्।
_x000D_
_x000D_
मालपोत कार्यालय सारिएदेखि नै मर्चवारका सेवाग्राहीले कर्मचारी अभावका कारण समस्या झेल्दै आएका छन्। अहिले मालपोत कार्यालय मर्चवार एक जना नायब सुब्बा, एक जना खरिदार, एक जना कम्प्युटर अपरेटर तथा ५ जना करारका कार्यालय सहयोगीको भरमा चलेको छ।
_x000D_
_x000D_
आफ्नै घरदैलोमा सेवासुविधा पाउने आश गरेका मर्चवाबासी मालपोतमा दसैंदेखि कुनै काम नै नभएको बताउँछन्। घरदैलोमा आएको मालपोतबाट सेवा सुविधा नपाएपछि स्थानीय यसै जिल्लिएका छन्।
_x000D_
_x000D_
_x000D_
_x000D_
कार्यालय स्थापना भएपनि अहिले जग्गा रजिष्ट्रेशन बाहेक कुनै पनि काम हुँदैनन्। नामसारी, हालसाविक, संसोधन लगायतका निर्णय गर्ने प्रकृतिका फाइल त्यतिकै थन्किएका छन्। आफ्नो काम बन्ने आशामा मालपोत आउने सेवाग्राही खाली कार्यालय र रित्तो कुर्सी हेरेर फर्किने गरेका छन्।
_x000D_
_x000D_
दसैंपछि त झन् मुद्दा फाँटमा हुने एउटै काम पनि अगाडि बढ्न सकेको छैन। जग्गा पास हुन आएका सेवाग्राहीका लिखतमा साना मात्र त्रुटि देखिए पनि त्यो काम हुने अवस्था नरहेको नेपाल लेखापढी कानुन व्यवसायी एसोसियसनका पूर्वअध्यक्ष सीताराम यादवले बताए।
_x000D_
_x000D_
एउटै कर्मचारीले मोठ भिडाउने, रोक्का हेर्ने, रजिष्ट्रेशन रसिद काट्ने र फेरि पुर्जा पनि आफैं बनाउने गरेका छन्। करिब ४ जना कर्मचारीले गर्ने काम एउटै कर्मचारीले गर्नु परेको उनले बताए। अहिले मात्र हैन मालपोत कार्यालय मर्चवारमा आए पनि कर्मचारी नआएको बताए।
_x000D_
_x000D_
कार्यालयमा १७ जना कर्मचारीको दरबन्दी रहेको निमित्त कार्यालय प्रमुख नायब सुब्बा शान्ता घिमिरेले बताइन्। तर, दरबन्दीअनुसारका कर्मचारी कहिल्यै कार्यालमा नहुने उनको भनाइ छ। कार्यालयमा एक जना अधिकृत, तीन जना नायब सुब्बा, पाँच जना खरिदार, दुई जना कम्प्युटर अपरेटर, एक जना लेखा सहायक र पाँच जना कार्यालय सहयोगीको दरबन्दी रहेको घिमिरेले बताइन्।
_x000D_
_x000D_
कर्मचारी किन मर्चवार आउन खोज्दैनन् भन्ने प्रश्नमा उनले यसको कारण अख्तियार रहेको बताइन्। अख्तियारका कारण मर्चवारमा कर्मचारी आउन नमानेको हुन्।
_x000D_
_x000D_
‘मर्चवारमा कर्मचारी नजानुको कारणमा यातायातको समस्या, बसाई लगायत त छँदैछ एउटा प्रमुख कारण अख्तियार पनि हो,’ घिमिरेले भनिन्।
_x000D_
_x000D_
_x000D_
_x000D_
यसअघि मालपोतकै नायब सुब्बा हरिप्रसाद पौडेल र खरिदार प्रकाश रिजाललाई अख्तियार दुरूपयोग अनुसन्धान आयोगको बुटवल सम्पर्क कार्यालयले घुस लिँदालिँदै पक्राउ गरेपछि अहिले कार्यालय कर्मचारी बिहीन बनेको छ। नायब सुब्बाको भरमा कार्यालय सञ्चालन हुँदै आएको छ भने सेवाग्राहीले पाउनुसम्मको सास्ती पाइरहेका छन्।
_x000D_
_x000D_
कर्मचारी अभावमा अख्तियार प्रमुख कारक भएको लेखापढी व्यवसायी सीताराम यादवको भनाइ छ। उनले यसमा मुख्य दोषी सम्बन्धित विभाग भएको बताए। आवश्यक कर्मचारी नपठाउँदा र कर्मचारीको अभाव हुँदा सेवाग्राहीले आफ्नो काम छिटो गराउन कर्मचारीलाई विभिन्न प्रलोभनमा पार्ने सुनाए। ‘काम गराउन तछाड–मछाड हुन्छ, उसै माथि अख्तियारको नजर लाएपछि कसरी कर्मचारी आउँछन् त?’ यादवले भने।
_x000D_
_x000D_
मर्चवारमा रहेका कोटहीमाई गाउँपालिका, मर्चवारी गाउँपालिका, सम्मरीमाई गाउँपालिका, मायादेवी गाउँपालिका र लुम्बिनी सांस्कृतिक नगरपालिकाको समेत केही वडा मालपोत कार्यालय मर्चवारको कार्यक्षेत्रमा पर्दछन्।
_x000D_
_x000D_
मालपोतमा कर्मचारी पठाइ सेवाग्राहीलाई हुने सास्ती हटाउन मर्चवारी गाउँपालिकाका अध्यक्ष केशवनन्द बनियाँ र सम्मरीमाई गाउँपालिकाका अध्यक्ष जितेन्द्रनाथ शुक्ला (बब्लु)ले माग गरेका छन्। गाउँपालिका अध्यक्षले क्षेत्रका जनताले कर्मचारीको अभावमा दुःख पाएको बताउँदै कर्मचारी व्यवस्थापनको माग गरेका हुन्।
_x000D_
_x000D_
उनीहरूले मर्चवारमा आएका कार्यालयहरुमा कर्मचारी नआउँदा स्थानीय सेवा सुविधाबाट वञ्चित भएको उल्लेख गर्दै कर्मचारी पठाउन सम्बन्धित निकायलाई आग्रह गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1709961276.jpg)
-1786602170.png)
