पोखरा– पोखरा महानगरपालिकाले बधशाला बनाउन मेयरको संयोजकत्वमा १३ सदस्यीय कार्यदल बनाएको छ। गण्डकी प्रदेशले गौरवको योजनामा पारेको बधशाला निर्माण गर्न बिहीबार कार्यदल बनेको हो। महानगरभित्र सुरक्षित र स्वस्थ बधशाला निर्माण गर्न कार्यदलले पहल गर्ने महानगरले जानकारी दिएको छ।
_x000D_
_x000D_
बधशाला निर्माण गर्न प्रदेश तथा महानगर स्तरीय प्रारम्भिक छलफल तथा अन्तरक्रिया कार्यक्रमले उक्त कार्यदल बनाएको हो। ‘कार्यदलले सकेसम्म छिटो बधशाला बनाउन जग्गाको छनोट गर्नेदेखि लागत तथा सामाग्रीको अध्ययन गर्नेछ,’ महानगरका मेयर मानबहादुर जिसीले भने, ‘प्रदेशले पनि गौरवको योजनामा पारेकाले हामीलाई सजिलो हुनेछ।’ बधशाला बनाउन महानगरबाट २ करोड रुपैयाँ बजेट छुट्ट्याइएको जानकारी उनले दिए्।
_x000D_
_x000D_
महानगरभित्र मात्रै वार्षिक १ लाख ५० हजार खसीबोका आवश्यक पर्ने भएकाले बाहिरबाट ल्याउनुपर्ने अवस्था रहेको मेयर जिसीले सुनाए। ‘खसीबोकाको माग दिनानुदिन बढिरहेको छ। हामीले महानगरलाई नै खसीबोका उत्पादनमा आत्मनिर्भर बनाउन सक्यौं भने महानगरको प्रतिष्ठा पनि बढ्छ,’ उनले भने।
_x000D_
_x000D_
गण्डकी प्रदेशका उद्योग, पर्यटन तथा कृषि मन्त्री विकास लम्सालले बधशाला बनाउन प्रदेशले सहयोग गर्न तयार रहेको सुनाए। उनले भने, ‘महानगरले बधशाला बनाउँदैन भने उद्योगका रुपमा ल्याएर भएपनि प्रदेशले बधशाला चलाउन तयार छ।’ केन्द्रसँग कुरामा मात्रै नभइ काममा पनि प्रतिष्पर्धा गर्न चाहेको उनले बताए।
_x000D_
_x000D_
प्रदेशका कृषि मन्त्रालयका सचिव शरदचन्द्र श्रेष्ठले प्रदेशले ५ करोड रुपैयाँ छुट्ट्याएको जानकारी दिए। उनले भने, ‘सबै कुराको योजना तयार भइसकेको छ। अब कसरी अघि बढ्ने भन्ने कुरामा छलफल हुन मात्रै बाँकी छ।’ बधशाला बनाउन केन्द्र सरकारले ३ करोड अनुदान दिने समेत उनले जानकारी दिए। वधशाला निर्माणमा हेपर इन्टरनेसन संस्थाले सहयोग गर्नेछ।
_x000D_
_x000D_
संस्थाका कार्यक्रम निर्देशक तीर्थराज रेग्मीले सुरक्षित, वैज्ञानिक र स्वस्थ बधशालाले महानगरको मात्रै नभइ प्रदेशकौ सभ्यता देखाउने उल्लेख गरे। निर्देशक रेग्मीले नेपालमा धेरै पहिले नै सुरक्षित बधशाला अवधारणा आएको भएपनि नियमूर्वक चल्न नसकेका उल्लेख गरे।
_x000D_
_x000D_
को–को छन् कार्यदलमा?
_x000D_
कार्यदलमा मेयर मानबहादुर जिसी संयोजक रहने गरी प्रदेशको उद्योग र कृषि मन्त्रालयको प्रतिनिधि २ जना, मासु व्यवसायी समितिबाट २ जना, महानगरभित्र रहेका २ उद्योग वाणिज्य संघबाट २ जना, उपभोक्ता मञ्चबाट १ जना, महानगरपालिकाको पशु सेवा विभागबाट १ जना, उत्पादनमूलक सहकारीबाट १ जना र हेपरको तर्फबाट १ जना प्रतिनिधि रहने योजना बनाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1781922122.jpg)
-1790561542.webp)
-1786602170.png)
