ललितपुर- गोदावरी फूलको व्यावसायिक विकास, बिस्तार तथा प्रवर्द्धनको उदेश्यले गोदावरी फूलको प्रतियोगितात्मक प्रदर्शनी सुरु भएको छ। जावलाखेलको खेल मैदानमा सुरु भएको प्रदर्शनीको प्रदेश नम्बर ३ का भूमि व्यवस्था, कृषि तथा सहकारीमन्त्री दावा दोर्जे लामाले उद्घाटन गरे।
_x000D_
_x000D_
मेलाको उद्घाटन गर्दै मन्त्री लामाले व्यवसायिक फूल खेतीको अहिलेका अवस्था अझै बिस्तार हुनुपर्नेमा जोड दिए। यसका लागि आफूहरुले पुष्पमेलामा सहकार्य गरेको बताएका उनले आयातित फूलको प्रतिस्थापन गर्ने बाटोमा लाग्न व्यवसायीलाई आग्रह गरे।
_x000D_
_x000D_
मन्त्रालय तथा पुष्प बिकास केन्द्रको सहयोगमा फ्लोरिकल्चर एसोसिएसन नेपालले १२ औं संस्करणको रुपमा गोदावरी फूलको प्रतियोगितात्मक प्रदर्शनीको आयोजना गरेको हो।
_x000D_
_x000D_
मेलामा व्यवसायिक स्टल ४४, सूचनामूलक ३ र गोदावरी फूलको प्रतिस्पर्धात्मक प्रदर्शनी स्टल १ सहित जम्मा ४८ वटा प्रदर्शनी कक्षहरु रहेका छन्।
_x000D_
_x000D_
पुष्प व्यवसाय प्रवर्द्धनका सम्वन्धमा समय अनुकूल पुष्पको जातीय विकास एवं गुणस्तरिय उत्पादनमा सहयोग पुर्याउन प्रदर्शनी आयोजना गरिएको हो। नजिकै आइरहेको तिहार पर्व तथा छठलाई समेत लक्षित गरी गोदावरी पुष्प मेला तथा प्रदर्शनी गरिएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
