काठमाडौं– युएईमा करार अवधि सकिएपनि रोजगारदाता कम्पनीमा शरण लिएर अवैधानिक भएर रोजगारी गरिरहेका आप्रवासी कामदारलाई दिइएको आममाफीको समय एक महिना थप गरिएको छ। युएई सरकारले गत अगष्ट १ तरिखदेखि सुरु गरेको आममाफी प्रक्रियाको समय बुधबार सकिँदै छ।
_x000D_
_x000D_
अवैधानिक रुपमा बसेर काम गरिरहेको विदेशी कामदारलाई आममाफी १ महिनाका थप गरिएको युएईको नागरिकता पहिचान सम्बन्धी संघीय प्राधिकरणलाई उदृत गर्दै विभिन्न सञ्चारमाध्यमले समाचार समप्रेक्षण गरेका छन्।
_x000D_
_x000D_
डिसेम्बर १ तारिखसम्म अवैध आप्रवासी कामदारले आममाफी प्रक्रियामा सहभागि हुने पाउने छन्। युएई सरकारले दिएका आममाफी कार्यक्रममा ३ महिनामा करिब ७ सय नेपाली सहभागी भएको युएई स्थित नेपाली राजदूतवासले जानकारी दिएको छ। उक्त कार्यक्रममा ५ हजार अवैध रुपमा बसेर काम गरिहेका नेपाली सहभागी हुने दूतवासको अनुमान थियो। तर, १ हजार नेपाली मात्र सहभागी हुनसक्ने दुतावासको भनाइ छ।
_x000D_
_x000D_
दूतवासले अवैध रुपमा रोजगारी गरिरहेका नेपालीलाई आममाफी प्रक्रियामा सहभागी गराउने युएईका विभिन्न स्थानमा घुम्ती शिविर सञ्चालन गरिरहेको छ।
_x000D_
_x000D_
अवैध रुपमा लुकेर रोजगारी गरिरहेका नेपालीसहित अन्य देशका नागरिकलाई वैधानिक बन्नका लागि अथवा आवश्यक कानुनी प्रक्रिया पूरा गरी आफ्नो देश फर्किन आग्रह युएईको अध्यागमनले गरेको छ।
_x000D_
_x000D_
यो अवसरमा युएईमा रहेको नेपाली दुतावाससहित विभिन्न देशका दुतावास तथा कन्सुलेटहरूले घुम्ती सेवामार्फत अवैधानिक आफ्ना नागरिकलाई वैधानिक बन्न वा आममाफी प्रक्रियामा सहभागी हुन सहयोग गरिरहेका छन्।
_x000D_
_x000D_
युएई सरकारले थप गरेको आममाफी समय अवधिपछि अवैध कामदार भेटिए कडा कारबाही हुन बताइएकाे थियो। साथै वैधानिक भएर युएईमै बस्न चाहने आप्रवासी कामदारलाई ६ महिनाको अस्थायी भिसा दिइने र यस अवधिमा रोजगारी खोजेर कामदार भिसा लाउन सकिने व्यवस्था छ।
_x000D_
_x000D_
भिसाको अवधि सकिएर बसेका, भिजिट भिसामा आएर ओभरस्टे भएका, राहदानी नभएका नेपालीले नेपाल फर्कन पाउने छन्।
_x000D_
_x000D_
गम्भीर प्रकृतिको मुद्दा लागेका तथा मुद्दाको फैसला नभएका आप्रवासी कामदारले भने स्वदेश फर्किन पाउने छैनन्।
_x000D_
_x000D_
अवैध र आममाफी प्रक्रियामा सहभागि भएका नेपालीलाई दूताबासले राहदानी र ट्राभल डकुमेन्ट उपलब्ध गराइरहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
