काठमाडौं – ११ अर्ब रुपैयाँ अपचलनको आरोपमा सुनसरीको धरानमा रहेको बराह बचत तथा ऋण सहकारी संस्थाका संचालक बराह ग्रुपका अध्यक्ष पक्राउ परेका छन् ।
उनलाई सुनसरीबाटै बुधबार पक्राउ गरिएको प्रहरीले जनाएको छ ।
धरान उपमहानगरपालिका कार्यक्षेत्र रहेको बराह सहकारीको रकम अपचलनको आरोपमा उनलाई पक्राउ गरिएको हो ।
बराह सहकारीमा १० अर्ब ७३ करोड ४३ लाख ४७ हजार ९ सय १३ रुपैयाँ अपचलन गरेको दाबीसहित २६२ जनाविरुद्ध जिल्ला अदालत सुनसरीमा मुद्दा दायर भएको थियो । त्यसपछि लामिछानेसहितका आरोपित फरार थिए ।
बराह सहकारीले अपचलन गरेको रकममध्ये बराह ग्रुप अफ कम्पनी अन्तर्गतका १४ कम्पनीमा मात्र धेरै लगानी गएको थियो । सहकारीले तिर्नुपर्ने दायित्व १० अर्ब ८९ करोड ९५ लाख २० हजार २ सय ३५ रुपैयाँ छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।