कविता : प्रेम सुखानुभूति मात्र हो

साहित्य डबली

नेपाल लाइभ शनिबार, कात्तिक १०, २०७५ ०५:५१

कहिलेकाँही
_x000D_ तिमीले प्रेम भनेको कुरालाई
_x000D_ अगाडी उभ्याएर सोध्न मन लाग्छ
_x000D_ साँच्चै!
_x000D_ प्रेम भनेको तिमी नै हौ त?

_x000D_ _x000D_

म छुट्याऊँ कसरी?
_x000D_ प्रेम मृगको नाभीमा गाँसिएको कस्तुरी हो कि
_x000D_ या सुगन्धको खोजमा भौंतारिने मृग?

_x000D_ _x000D_

प्रेम फूल हो कि
_x000D_ या बतासले हुँडल्ने यसको सुगन्ध?
_x000D_ परागको हरेक कण प्रेम हो कि
_x000D_ या फूलको पूर्ण अस्तित्व?
_x000D_ पानीका प्रत्येक फोकाहरू प्रेम हुन् कि
_x000D_ या फोकाभित्र कैद भएका प्राण वायु?

_x000D_ _x000D_

म कसरी चिनौं?
_x000D_ प्रेम राधाको विरह गान हो कि?
_x000D_ या मिराले पिएकी विषको प्याला हो?

_x000D_ _x000D_

कि कतै रुक्मिणीको प्राप्ति त होईन प्रेम?
_x000D_ प्रेम साँझ मन्दिरमा बालिएको दियो हो कि
_x000D_ या सलेदोले क्रमशः सल्किएर सक्काउने तेल?

_x000D_ _x000D_

प्रभातका हरेक रश्मीमा तिमीलाई देख्नु
_x000D_ मेरो बहुलठ्ठीपन हो प्रेम?
_x000D_ या वर्षातमा हरेक बुँदले भिज्दा
_x000D_ तिमीले भिजाएको महसुस गर्ने
_x000D_ मेरो हलोसिनेसन हो प्रेम?

_x000D_ _x000D_

तिम्रो स्पर्शको उन्माद
_x000D_ तिम्रो शरीरको तातो
_x000D_ तिम्रो चुम्बनको मिठास
_x000D_ तिमी हुनुको हर्ष
_x000D_ तिमी नहुनुको पीडा
_x000D_ के हो प्रेम?

_x000D_ _x000D_

अनि के होइन प्रेम?
_x000D_ म रनभुल्लमा छु
_x000D_ र लाग्दैछ
_x000D_ तिमी हुनुको बोध मात्र
_x000D_ मेरो प्रेमको सार्थकता हो
_x000D_ मेरो प्राणको सबुत हो
_x000D_ मेरो प्रेमको प्रतीक हो

_x000D_ _x000D_

तिमी छौ
_x000D_ म अनुभूत गर्दैछु
_x000D_ यतै कतै छौ
_x000D_ मलाई यही पर्याप्त छ
_x000D_ र मलाई थाहा छ
_x000D_ प्रेम सुखानुभुति मात्र हो

_x000D_ _x000D_

००

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

छानबिन समितिको बैठक : तोकिएको समयअघि नै कार्यसम्पन्न गर्ने सभामुखको विश्वास

भारी वर्षा बिना कसरी गयो भोटेकोसीमा बाढी ?

विपद प्रभावितलाई तत्काल उद्धार र राहत सामग्री दिन सांसदहरुको माग