काठमाडौं– रसुवाको भोटेकोशी नदीमा आएको भीषण बाढीबाट प्रभावित रसुवा, नुवाकोट र धादिङमा नेपाल चेम्बर अफ कमर्सले उद्धार तथा राहत अभियान तीव्र बनाएको छ।
चेम्बरले सम्बन्धित जिल्ला चेम्बरमार्फत प्रभावित क्षेत्रमा नगद तथा जिन्सी सहयोग उपलब्ध गराउनुका साथै थप राहत जारी राख्ने जनाएको छ।
उद्धारमा सहयोग पुर्याउन ५० केजी पेलोड क्षमताको ड्रोन र एउटा सर्भिलेन्स ड्रोन विदुर नगरपालिकामा पठाइएको छ भने १०० केजी क्षमताको अर्को ड्रोन पठाउने तयारी भइरहेको छ। प्रभावित क्षेत्रमा १२५ वटा पावर बैंकसमेत उपलब्ध गराइएको चेम्बरले जनाएको छ।
त्यस्तै, नेपाल युथ चेम्बरले रक्तदान कार्यक्रम आयोजना गरेको छ। चेम्बरले मातहतका जिल्ला तथा नगर चेम्बर, महिला चेम्बर, युथ चेम्बरलगायतलाई उद्धार, राहत तथा व्यवस्थापनमा सक्रिय हुन आग्रह गरेको छ।
चेम्बरले तत्काल उद्धार र राहतसँगै प्रभावित क्षेत्रको पुनःस्थापना तथा पुनर्निर्माणमा समेत सहयोग गर्ने प्रतिबद्धता जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
