नयाँ दिल्ली (एजेन्सी) : बलिउडमा राम्रो पकड जमाएकी प्रियंका चोपडा विदेशमा समेत लोकप्रिय छिन् । पछिल्ला वर्षहरुमा त उनले हलिउडका फिल्ममा अभिनय गर्दै आएकी छन्।
तर, विश्वव्यापी पहिचान बन्ने आजको अवस्थासम्म आइपुग्दाको यो यात्रा पक्कै पनि सहज थिएन । प्रियंकाले गत शुक्रबार चर्चित म्यागेजिन 'भेराइटी' द्वारा 'पावर अफ वुमन' को सम्मान दिएको छ । सम्मान समारोहमा पुगेकी उनले आफ्नो करिअरको सुरुवाती चरणसँग जोडिएको तीतो विगतको खुलासा गरिन्।
आफ्नो संघर्षका दिन सम्झिँदै उनले भनिन्, 'करिअरको सुरुवातमा जब म १८/१९ वर्षको थिएँ, तब मलाई हास्यास्पद शर्तहरुमा काम गर्न बाध्य पारिन्थ्यो । मलाई कम पारिश्रमिकमा काम गर्न नमाने अर्को मान्छे राखेर रिप्लेस गरिनेछ भनिन्थ्यो । महिलाहरुलाई यो मनोरञ्जन क्षेत्रमा सजिलै रिप्लेस गरिन्छ । त्यस घटनालाई म कहिल्यै बिर्सिन सक्दिनँ । मैले त्यसैबेला अठोट गरेकी थिएँ, म इन्डस्ट्रीमा रिप्लेसेबल छैन, स्थिर रहेर काम गर्छु।'
उनले सो क्रममा आफू गैर फिल्मी परिवारबाट आए पनि बलिउडमा आफ्नो स्थान बनाएको पनि बताइन्।
कठोर मिहिनेत, अभिनय कौशल र राम्रो फिल्म छनोटका कारण प्रियंका आज 'ग्लोबल आइकन' बनेकी छन् । भारत बाहेक अमेरिकामा पनि उनको लोकप्रियता कमाएकी छिन् । बलिउडका अभिनेत्रीमध्ये सबैभन्दा बढी पारिश्रमिक लिने उनी कमाइका हिसाबले अरुभन्दा अगाडि छिन्।
२०१६ मा रिलिज भएको 'जय गंगाजल' पछि बलिउडमा प्रियंकाको कुनै पनि फिल्म आएको छैन । २०१७ मा हलिउडको फिल्म 'क्वान्टिको' को सिजन २ मा उनी देखिएकी थिइन् । यो सँगै हलिउड स्टार ड्वेन जोन्सनको फिल्म 'बेवाच' मा पनि उनले अभिनय गरेकी थिइन् । पछिल्लो समय भने प्रियंका खासगरी 'क्वान्टिको' को तेस्रो सिजनको सुटिङमा व्यस्त छिन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1793965248.png)
-1786602170.png)
