सिंगटी जलविद्युत् आयोजनाको पहिलो सुरुङ ‘ब्रेक थ्रु’

समाचार

नेपाल लाइभ आइतबार, असोज २१, २०७५ ०४:४६

जिरी– दोलखाको सिंगटी खोलामा निर्माणाधीन २५ मेगावाटको सिंगटी जलविद्युत् आयोजनाको शनिबार सुरुङ छेडिएको छ।

_x000D_ _x000D_

आयोजनाको सुरुङको यो पहिलो खण्डको हो। यसको लम्बाइ अडिटबाहेक २ हजार ९ सय मिटर छ।

_x000D_ _x000D_

पहिलो सुरुङ ‘बे्रक थ्रु’ भएसँगै आयोजनाको प्रगतिमा इँटा थपिएको आयोजना निर्देशक काजी लामाले बताए।

_x000D_ _x000D_

पहिलो ब्रेक थ्रुसँगै ३ किलोमिटर खण्ड वारपार भएको छ। आयोजनाको हेडबक्स खण्डको माथिल्लो खण्डको सुरुङ खुलेको हो।

_x000D_ _x000D_

सिंगटी हाइड्रो इनर्जी लिमिटेडका अर्का सञ्चालक बटु लामिछानेले सुरुङको पहिलो खण्डको सफलताले लगानीकर्ता, निर्माण व्यवसायी, शेयर होल्डर, मजदुर सबैलाई हर्षित बनाएको प्रतिक्रिया दिए।

_x000D_ _x000D_

सिभिल निर्माण सुरु गरेको छोटो समयमै राम्रो प्रगति गर्ने नेपालकै पहिलो जलविद्युत् आयोजना भएको उनले बताए।

_x000D_ _x000D_

सिंगटी हाइड्रो इनर्जी लिमिटेडले २ वर्ष अवधिमा आयोजनाको निर्माण अन्तिम चरणमा पुर्‍याएको छ।

_x000D_ _x000D_

आयोजनाको समग्र प्रगति ८० प्रतिशत भएको छ। आयोजनाको बाँध क्षेत्रको काम अन्तिम चरणमा पुर्‍याएको छ।

_x000D_ _x000D_

शिरिसघारीस्थित कात्तिके गाउँमा निर्माण भइरहेको विद्युत्गृहको ६० प्रतिशत काम सम्पन्न भएको छ। चैतभित्र विद्युत्गृहको निर्माण पूरा हुने कम्पनीले जनाएको छ।

_x000D_ _x000D_

सरकारले प्रतिस्पर्धा गराएर निजी क्षेत्रलाई निर्माणको अनुमति दिएको आयोजनाबाट २०७६ वैशाख १ गतेदेखि विद्युत् उत्पादन गर्ने तालिका छ।

_x000D_ _x000D_

केही ढिला हुँदा पनि जेठ असारदेखि उत्पादन सुरु हुने बताइएको छ।

_x000D_ _x000D_

विद्युत्गृहमा १२.५ मेगावाट क्षमताका दुई युनिट राखेर विद्युत् उत्पादन गरिनेछ। आयोजनाबाट उत्पादन हुने विद्युत् नेपाल विद्युत् प्राधिकरणले निर्माण गरिरहेको स्रिगटी सवस्टेशनमा लगेर जोडिनेछ।

_x000D_ _x000D_

४ अर्ब ६३ करोड लागत अनुमान गरिएको यस आयोजनामा सिभिल बैंकको नेतृत्वमा १० बैंकले ३ अर्ब ३० करोड ऋण लगानी गरेका छन्।

_x000D_ _x000D_

१६ मेगावाटमा निर्माण सुरु गरिएको आयोजना ९ मेगावाट क्षमता बढाएर २५ मेगावाट पुर्‍याइएको होे।रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

राजावादीलाई दिउँसो २ बजेपछि मात्र प्रदर्शनको अनुमति, त्यसअघि एमालेलाई

हमासका गाजा प्रमुख सिनवार मारिएको इजरायलको दाबी

बैंकहरूले अनिवार्य मौज्दातको ९० प्रतिशत रकम राख्नैपर्ने