काठमाडौँ विश्वकै प्रदूषित शहरको सूचिमा शीर्ष स्थानमा कायमै, उच्च सतर्कता अपनाउन आग्रह

समाचार

नेपाल लाइभ बुधबार, चैत २७, २०८१ ०८:२३

काठमाडौँ – काठमाडौँ उपत्यका विश्वकै प्रदूषित शहरको सूचीमा शीर्ष स्थानमा आज पनि कायमै रहेको छ । बुधबार बिहान ८ः १५ बजेको मापन अनुसार काठमाडौँ विश्वकै एयर क्वालिटि इन्डेक्स (एक्यूआई)को सूचीको शीर्ष स्थानमा रहेको हो ।

आज काठमाडौँको एक्यूआई २१६ रहेको छ, जुन मंगलबारको तुलनामा केहि कम भएपनि स्वास्थ्यका हिसाबले एकदमै अस्वस्थकर हो । ५० सम्मको एक्यूआईलाई मात्र स्वस्थ मान्ने गरिएको छ । २ सय भन्दा माथि स्वास्थ्यको लागि एकदमै हानिकारक मानिन्छ ।

हावामा पीएम २.५ को मात्रा विश्व स्वास्थ्य संगठनले तोकेको मापदण्डभन्दा २०.४ गुणा बढी रहेको छ । वायु प्रदूषण उच्च भएसँगै काठमाडौँमा बिरामीको संख्या पनि बढेको छ । विज्ञहरूले बाहिर व्यायाम नगर्न, मास्क लगाउन तथा झ्यालहरू बन्द गरेर बस्न सुझाव दिएका छन् ।

काठमाडौँपछि भारतको नयाँ दिल्ली दोस्रो तथा चीनको वुहान तेस्रो स्थानमा रहेको छ । त्यसपछि शीर्ष १० स्थानमा क्रमशः युगान्डाको कामपाला, भियतनामको हानोई, पाकिस्तानको लाहोर, म्यानमारको याङ्गोन, कार्गो इजिप्ट, चोङकिङ चीन र चीनको सांघाई शहर रहेका छन् ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुडानको अल–फासेरमा झडप, ५७ जनाको मृत्यु

केही भएन भन्ने भ्रामक प्रचार बढी भयो : मन्त्री राणा

प्रहरीका ६ जना डीआईजीलाई एआईजीमा बढुवा गर्न सिफारिस (सूचीसहित)