काठमाडौं– ‘फिरफिरे फिरिरी’ सिनेमाले आफ्नो पहिलो गीत सार्वजनिक गरेको छ। हरर कमेडी जनरामा बनेको सिनेमाले 'फिरफिरे फिरिरि' बोलको शीर्ष गीत सार्वजनिक गरेको हो।
गीतका शब्द तथा संगीत प्रशान्त शिवाकोटीको रहेको छ। यो गीत संगीतकार शिवाकोटीको साथमा भरत अधिकारी,टिकाराम श्रेष्ठ र रोषा फुयाँलको रहेको छ। गीतको भिडियोमा सिनेमा सबै प्रमुख पात्रहरु फिचर्ड छन्। सिनेमा कार्तिक २२ गते रिलिज हुनेछ।
सिनेमामा मनोज कुमार अधिकारी,सन्दिप श्रेष्ठ, भावना उप्रेती,शंकर सेढाई, पिटर प्रिन्स, रबिना केसी,पुष्प अवस्थी,सूर्यमान लिम्बु लगायतका कलाकारको अभिनय रहेको छ। यसै सिनेमाबाट सन्दीप श्रेष्ठ र भावना उप्रेतीले नेपाली रजतपटमा डेब्यु गर्दैछन्।
यस सिनेमामा जितु तामाङको छायांकन,रोशन दास,प्रकाश दाहाल र अग्नि सुबेदीको सहायक निर्देशन,केशव राज भट्टको कोरियोग्राफी,एलिस कार्कीको ब्याकराउण्ड म्युजिक,प्रशान्त सिवाकोटीको संगीत,अमित श्रेष्ठको साउण्ड डिजाइन,अनन्त घिमिरेको सम्पादन तथा कलर संयोजन रहेको छ।
सिनेमालाई देशभर आर.आर फिल्म्सले वितरण गर्नेछ। सिनेमाको डिजिटल अधिकार म्युजिक नेपालले किनेको छ। बिन्दबासिनी क्रियसनको ब्यानरमा निर्माण गरिएको ‘फिरफिरे फिरिरी’लाई मनोज कुमार अधिकारीले निर्माण गरेका हुन्। अधिकारीले करिब १५ वर्ष अगाडि ‘नौ डाँडा पारी’तथा ‘मंगलसुत्र’ निर्माण गरेका थिए। त्यसपछि अमेरिका भासिएका अधिकारी यसै सिनेमा मार्फत सिनेमा निर्माण तथा अभिनयमा फर्किएका हुन्।
अधिकारी चर्चित गीतकार आनन्द अधिकारीका भाइ हुन्। सिनेमालाई सन्दिप श्रेष्ठ र नबिन भट्टले संयूक्तरुपमा लेखेका हुन् भने भट्ट सिनेमाका निर्देशकसमेत हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
