काठमाडौं– संघीय संसदअन्तर्गत विकास समितिमा ठेकेदार नै सदस्य भएकोप्रति सांसदहरुले आपत्ति प्रकट गरेका छन्।
_x000D_
_x000D_
सभापति चयनपछि पहिलो पटक बसेको बैठकमा बोल्ने सांसदहरुले केही सांसदहरुमा ‘कन्फ्लिक्ट अफ इन्ट्रेस्ट’ रहेको विषयमा प्रश्न उठाएका थिए।
_x000D_
_x000D_
सरकारले गर्ने विकास निर्माणका कामको नियमन गर्न अधिकार पाएको समितिमा ठेकेदारहरु नै रहनुले स्वार्थ बाझिने कार्य हुने भन्दै सांसदहरुले समितिमा रहेका तीन ठेकेदारलाई हटाउन सभापति कल्याणी खड्सँग माग गरे।
_x000D_
_x000D_
विकास समितिको बैठकमा बोल्दै नेकपाका सांसद यज्ञराज सुनुवार र स्वतन्त्र सांसद दुर्गा पौडेलले विषयगत समितिमा ठेकेदारलाई राखेको भन्दै कडा आलोचना गरेका हुन्।
_x000D_
_x000D_
उक्त समितिमा निर्माण व्यवसायीको पृष्ठभूमि भएका संघीय समाजवादी फोरमका सांसद हरिनारायण रौनियार, नेपाली कांग्रेसका सांसद जिपछिरिङ लामा र बहादुर लामा रहेका छन्। रौनियार पप्पु कन्स्ट्रक्सन, जिपछिरिङ लामा कन्स्ट्रक्सनका र बहादुरसिंह हिमदुङ एन्ड ठोकर कम्पनीका सञ्चालक हुन्।
_x000D_
_x000D_
तर, सभापति खड्काले उनीहरुलाई समितिबाट हटाउने कुरामा निरिहता प्रकट गरेकी थिइन्। सभामुख कृष्णबहादुर महरालाई भनेर उनीहरुको स्थानमा अन्य सांसदहरुलाई ल्याउन पहल गर्ने सम्बन्धमा आफूले केही गर्न नसक्ने उनले बताइन्।
_x000D_
_x000D_
समितिकै सदस्यहरुसँग सम्बन्धित विषयमा विवाद हुँदा र प्रतिनिधिसभा नियमावलीको व्यवस्था विपरित समितिमा ठेकेदार हुदाँ के गर्नुहुन्छ भन्ने प्रश्नमा उनले समितिमा उनीहरुको विषयमा छलफल हुँदा सहभागी नगराउने धारणा राखिन्।
_x000D_
_x000D_
आजै बसेको प्रतिनिधिसभाको अर्थ समितिमा पनि यो विषयमा सांसदहरुले आपत्ती जनाएका थिए।
_x000D_
_x000D_
३ जना निर्माण व्यवसायीमध्ये रौनियार र बहादुरसिंह लामा विकास समितिको आजको बैठकमा भने अनुपस्थित थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
