शेयरको भित्री कारोबारमा दाेषी ठहर न्यौपानेलाई एक बर्ष कैद र चार कराेड जरिवाना

बैंक/बिमा/सेयर

नेपाल लाइभ सोमबार, वैशाख ३, २०८१ ०७:०४

काठमाडाै- विशेष अदालतले सम्पत्ति शुद्धीकरणको अभियोगमा दोषी ठहर भएका रिडी पावर कम्पनीका पूर्वअध्यक्ष गुरुप्रसाद न्यौपानेलाई एक वर्ष कैदकाे फैसला सुनाएको छ ।

विशेष अदालतले आइतबार उनकाे सजाय निर्धारण गरेकाे हाे । सेयरको भित्री कारोबार (इनसाइड ट्रेडिङ) गरी गैरकानुनी सम्पत्ति आर्जन गरेको अभियोगमा ७ चैत २०८० मा दोषी ठहर गरेको थियो । तर, सजाय भने निर्धारण बाँकी रहेकाेमा आइतबार वहसपछि निर्धारण गरेकाे हाे ।

याे पनि

सेयरमा करोडौं चलखेल गरेको भन्दै व्यवसायी न्यौपानेविरुद्ध मुद्दा दायर

विशेष अदालतका अध्यक्ष टेक नारायण कुँवर, सदस्यहरू रामबहादुर थापा र मुरारीबाबु श्रेष्ठको इजलासले आइतबार न्यौपानेलाई १ वर्ष कैदसहित ३ करोड ९८ लाख रुपैयाँ जरिवाना सुनाएको हो ।

कम्पनीको भित्री सूचनाका आधारमा सेयर खरिद बिक्री गरी गैरकानुनी लाभ लिएको आरोपमा विभागले निजी क्षेत्रका ऊर्जा उत्पादक न्यौपानेविरुद्ध एक करोड ९९ लाख रुपैयाँ बिगो माग दाबी गर्दै गत २३ कात्तिकमा मुद्दा दायर गरेको थियो ।

याे पनि

शेयरको भित्री कारोबारमा गुरु न्यौपाने सम्पत्ति शुद्धीकरणमा दोषी ठहर, १५ गते सजाय तोक्ने

'गैरकानुनी सेयर कारोबार गर्ने' न्यौपाने र प्रधानलाई कारबाही गर्ने धितोपत्र बोर्डको निर्णय

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

इजरायल र हमासबीच कतारको दोहामा वार्ता सुरु

राप्ती स्वास्थ्य विज्ञान प्रतिष्ठानको शून्य बेरुजु

वीरगञ्जको परवानीपुरदेखि पटेलनगर क्षेत्रमा जल निकासी प्रणालीमा सुधार हुन्छ – मन्त्री यादव