काठमाडौं– काठमाडौंको त्रिपुरेश्वरमा बसमा आगलागी हुनुअघि चालक र ड्युटीमा खटिएका ट्राफिक प्रहरीबीच विवाद भएको खुलेको छ।
सामाजिक सञ्जालमा सार्वजनिक भिडियोमा चालकले आफूले गल्ती नगरेको भन्दै जरिवाना तिर्न अस्वीकार गरेको देखिन्छ। विवादका क्रममा उनले ‘मर्न तयार छु, तर फाइन तिर्दिनँ’ भनेको सुनिन्छ।
त्यसको केहीबेरमै रिद्धिसिद्धि यातायातको बा ५ ख ४२७४ नम्बरको बसको पछिल्लो भागबाट आगो दन्किएको देखिन्छ।
आगलागीमा बस चालक काभ्रेका २५ वर्षीय दावा लामा गम्भीर घाइते भएका छन्। प्रहरीको उद्धारपछि उनलाई कीर्तिपुरस्थित बर्न अस्पताल लगिएको छ। उपचारमा संलग्न चिकित्सकका अनुसार उनको अवस्था चिन्ताजनक छ।
प्रहरीले बस सडकको बीचमा रोकिएकाले साइड लगाउन आग्रह गरेको भिडियोमा देखिन्छ। यही क्रममा जरिवानाको विषयलाई लिएर चालक र ट्राफिक प्रहरीबीच विवाद चर्किएको देखिन्छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789993953.png)
-1789992067.jpeg)
-1781580295.jpg)
-1786602170.png)
-1789631269.jpg)
