काठमाडौं– काठमाडौंदेखि पोखरा उडेका दुई जहाज अवतरण गर्न नसकि काठमाडौं डाइभर्ट भएका छन्।
पोखरा अन्तर्राष्ट्रिय विमानस्थलको धावनमार्गमा किरा र फट्याङ्गा निस्किँदा जहाज अवतरणमा समस्या भएको हो।
शनिबार (हिजो) परेको पानीपछि धावनमार्गमा किरा र फट्याङ्गा निस्किदा चराहरु आहारा खान आएपछि जहाज उडान र अवतरणमा समस्या भएको हो। जसका कारण आइतबार दुई जहाज काठमाडौं डाइभर्ट भएका हुन्।
‘बिहान ८ बजेसम्म रनवे ठिकै थियो, त्यसपछि कुनै पनि जहाज अवतरण गर्न सकिएको छैन,’ विमानस्थलका निमित्त प्रमुख जशोदा सुवेदीले भनिन्, ‘चराहरु बढी आएपछि वुद्धको एउटा जहाज होल्डमा छ भने, एउटा बुद्ध र यतिको जहाज काठमाडौं नै फिर्ता गरिएको छ।’
रनवे क्लियर गराउन आफूहरु लागिरहेको सुवेदीले बताइन्। अवतरणमा समस्या भएपछि बुद्ध एअर र यती एअरका जहाज काठमाडौंदेखि पोखरा उडेकोमा काठमाडौं नै फर्किएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
