फिल्म ‘झिल्को’मार्फत् कमब्याक हुँदै ‘झोला’का निर्देशक

सिनेमा

नेपाल लाइभ बिहीबार, माघ ४, २०८० १२:३४

काठमाडौं– फिल्म ‘झोला’का निर्देशक यादव भट्टराई ‘झिल्को’बाट कमब्याक हुने भएका छन्। विसं २०७० मा प्रदर्शनमा आएको फिल्म ‘झोला’ले समीक्षक र दर्शक दुवैतिरबाट तारिफ बटुलेको थियो। त्यतिबेला बक्स अफिसमा सफल पनि बनेको थियो।

लेखक कृष्ण धरावासीद्वारा लिखित सतीप्रथाबारे कथा ‘झोला’माथि भट्टराईले फिल्म बनाएका थिए। त्यसपछि यादवले ‘भोर’ निर्माण गरे। दोस्रो फिल्म रिलिजको ५ वर्षपछि भट्टराईले ‘झिल्को’मार्फत् कमब्याक गर्न लागेका हुन्।

फिल्ममा रंगकर्मी सुनिल पोखरेलले पनि कमब्याक गर्दैछन्।

सुनिलसँगै ‘झिल्को’मा अभिनेत्री वर्षा शिवाकोटी र अभिनेता विशाल पोखरेल र बाल कलाकार आयुषी ढकालको मुख्य अभिनय रहनेछ।

फिल्ममा यादवसँगै अरुणदेवजोशी र कवि देवव्रको संवाद तथा पटकथा छ। फिल्मलाई सिनेमाटोग्राफर दीपक बज्राचार्यले खिच्नेछन्। फिल्म केही दिनमै फ्लोरमा जाने निर्देशक भट्टराईले बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

तीन उपकुलपति नियुक्त

दुई खर्ब भन्दा बढीले बढ्यो वैदेशिक सहायता

सम्पति शुद्धीकरण निवारणमा नेपालको अवस्था सुधार्न उच्चस्तरीय बैठक