सरकारी छाप किर्ते गरी फरार रहेका ५ जना पक्राउ

सुरक्षा/अपराध

नेपाल लाइभ शनिबार, मंसिर ९, २०८० १५:१२

काठमाडौं- सरकारी छाप किर्ते सम्बन्धी कसुरमा संलग्न ५ जनालाई प्रहरीले पक्राउ गरेको छ। उनीहरुलाई मोरङ जिल्लाको रतुवामाई नगरपालिका-४ झुर्कियाबाट पक्राउ गरिएको प्रहरीले जनाएको छ।

पक्राउ पर्नेमा रतुवामाई नगरपालिका- ४ बस्ने वर्ष ६५ का चेतनलाल राजवंशी,सोही स्थानका ६२ वर्षीया झरियादेवी राजवंशी, ६३ वर्षका विष्णु राजवंशी,६३ वर्षका पैखनलाल राजवंशी र ६४ वर्षीय कन्हारुलाल केवरत छन्।

मोरङको रतुवामाई नगरपालिका वडा नम्बर ३ का वडाध्यक्ष देवीलाल ताजपुरियाको जाहेरीका आधारमा प्रहरीले उनीहरुको खोजी गरिरहेको थियो। उनीहरु सरकारी छाप किर्ते गरी फरार रहेको र खोजतलासका क्रममा पक्राउ गरिएको प्रहरीले जनाएको छ।

शनिबार बिहान पक्राउ परेका पाँचै जनालाई मोरङ जिल्ला अदालतमा बुझाउने कार्य भइरहेको प्रहरीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौँबाट हङकङ उडेका २८ यात्रुलाई ‘फुड पोइजन’, छानबिन समिति गठन

कुलमानले बुझाए स्पष्टीकरण, मन्त्रालयले लगाएका आरोपको खण्डन

लसएन्जलस: मृतकको संख्या १६ पुग्यो, आगो अझै अनियन्त्रित