१६औँ पञ्चवर्षीय योजनाका लागि देश दौडाहमा योजना आयोग

अर्थ समाचार

नेपाल लाइभ मंगलबार, कात्तिक २१, २०८० १२:१७

काठमाडौं– १६औँ पञ्चवर्षीय योजनाका लागि सुझाव लिन राष्ट्रिय योजना आयोगले पहिलो चरणमा ४ प्रदेशमा छुट्टाछुट्टै टोली परिचालन गरेको छ। आयोगका सदस्यहरुको नेतृत्वमा परिचालित टोलीले मंगलबार मधेस, बागमती, गण्डकी र सुदुरपश्चिममा सुझाव संकलन गर्दैछन्।

आयोगले गण्डकी प्रदेशमा आयोग सदस्य डा रामकुमार फुयाँलको नेतृत्वमा टोली परिचालन गरेको छ। आयोग सदस्य डा फुयाँलका अनुसार गण्डकी प्रदेशको पोखरामा सोमबार प्रदेश सरकारसँग छलफल भएको थियो। छलफलमा गण्डकीका मुख्यमन्त्री सुरेन्द्रराज पाण्डेसहित सरकारका सबै मन्त्री र प्रदेश आयोगका उपाध्यक्ष र सदस्यहरुको सहभागिता थियो। मंगलबार भने महानगरपालिका, उपमहानगरपालिका, नगरपालिका, गाउँपालिकाका प्रमुख–उपप्रमुख सहित प्रदेश स्तरीय निजी क्षेत्र समेतको सहभागीतामा सुझाव लिइने सदस्यले फुयाँलले जानकारी दिए।

Plan_Comission-(1)-1699338727.jpg

उनका अनुसार यो कार्यक्रम गण्डकीसँगै सुदुपश्चिम, बागमती र मधेश प्रदेशमा समेत जारी रहनेछ।

‘१६औँ योजनामा सबैको सुझाव समेट्ने गरी हामीले टोली परिचालन गरेका हौं,’ सदस्य फुयाँलले भने, ‘हिजो सोमबार हामीले प्रदेश सरकारका मूख्यमन्त्री र मन्त्री राखेर छलफल गर्‍यौँ, आज (मंगलबार) त्योभन्दा ठूलो सहभागिता हुन्छ, आजको छलफलमा पालिका प्रमुख उपप्रमुखहरु निजी क्षेत्रको सहभागीता रहनेछ।’

आयोगले मधेस प्रदेशमा डा जयकान्त राउतको नेतृत्वमा टोली पठाएको छ भने बागमतीमा डा प्रभु बुढाथोकी, गण्डकीमा डा फुयाँल र सुदुरपश्चिम प्रदेशमा डा अनिता शाह ढुंगानालाई पठाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

इटहरी गोल्डकप फुटबल फागुन ३ गते देखि हुँदै

भरतपुरको ६ स्थानमा ‘ट्राफिक लाइट’ राखिने

आहा–रारा गोल्डकपमा आज थ्रीस्टार र मछिन्द्र भिड्दै