संयुक्त राष्ट्रसंघद्वारा गाजामा मानवीय युद्धविरामको लागि आह्वान गर्ने प्रस्ताव पारित

विश्व

नेपाल लाइभ आइतबार, कात्तिक १२, २०८० ०९:५५

एजेन्सी– संयुक्त राष्ट्र संघको महासभाले गाजामा मानवीय युद्धविरामको लागि आह्वान गर्ने प्रस्ताव पारित गरेको छ।

प्रस्तावले तत्काल मानवीय युद्धविरामको लागि आह्वान गरेको छ। नागरिकको संरक्षण, कर्मचारी र सुविधाहरूको सुरक्षा, र गैरकानुनी रूपमा बन्दी बनाइएका सबै नागरिकहरूको तत्काल बिना शर्त रिहाई गर्नेकुरा समावेश छ।

प्रस्तावको पक्षमा १२० मत, विपक्षमा १४ मत र ४५ देश अनुपस्थित भएका थिए। मस्यौदा प्रस्तावको विपक्षमा मतदान गर्ने देशहरूमा अस्ट्रिया, क्रोएसिया, चेक गणतन्त्र, फिजी, ग्वाटेमाला, हंगेरी, इजरायल, मार्शल टापु, माइक्रोनेसिया, नाउरु, पपुवान्युगिनी, पाराग्वे, टोंगा र संयुक्त राज्य अमेरिका छन्।

गाजापट्टीमा लडाइँ तीब्र बन्दै गएपछि यो प्रस्ताव आएको हो। गाजामा प्यालेस्टाइनी स्वास्थ्य अधिकारीहरूकाअनुसार युद्ध सुरु भएदेखि ७ हजार ३२६ प्यालेस्टाइनी मारिएका छन्। १४ सय भन्दा बढी इजरायलीहरू मारिएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पियोर इनर्जीको आईपीओ बाँडफाँड

सुनको मूल्यमा सामान्य वृद्धि, कतिमा हुँदैछ कारोबार ?

सदनमा सशक्त रुपमा प्रस्तुत हुन अध्यक्ष प्रचण्डको निर्देशन